النتائج 1 إلى 3 من 3
  1. #1
    تاريخ التسجيل
    Mar 2010
    المشاركات
    5

    افتراضي دارميات .... ابوذيات ..... قصائد .... بحق الامام علي (عليه السلام )هديه لكم

    السلام عليكم ورحمة الله وبركاته
    عيدكم مبارك وكل عام وانتم بالف خير
    أعاده الله تعالى على الجميع بالخير واليمن والبركة

    الدارمي

    عيد الفطر مطلوب والاضحى يا صاح
    من الغدير يكــــــــــــول نداين افراح
    ----------------------------------
    عيد الغدير اليوم بفراحه مسرور
    فرحانه انس وجان ومعيده الحور
    ---------------------------------
    الابو ذيه

    علي الجنة انته ونته مالـــــــــك
    المراجل سجل بسمك ونته مالـك
    يلم بالمال غيرك ونته مالـــــــك
    تفضة على اليتامى بكل مســـية

    ----------------------
    خطفت افكار خصمك ونتباهه
    الفضائل ربت عدك ونتباهه
    انتفاخر بيك حيدر ونتباهه
    ونكول انحب علي حامي الحميه
    ---------------------

    اعالي الشم الك مولاي نصن
    وبحقك نصوص اشكثر نصن
    جدار الكعبه لجلك صار نصين
    وتشرف بيك يا حامي الحميه
    ---------------------------
    بيت الله نولد حيدر علينا
    شبيه البدر نوره وهل علينا
    فوك العالي بحبه علينا
    شيعه ونفتخر بسم الزجيه
    ------------------------
    يبو الحسنين يا فارس يدرها
    يامن بالظلام انته بدرها
    رضعنا ويا اللبن حبكم بدرها
    ممزوج بمحبت ابن الزجية
    -------------------------
    عدوك يشهد بفضلك وعدلك
    مناقب شرد اوصفلك وعدلك
    وصي للمصطفى الخاتم وعدلك
    كتاب الباري يا حامي الحميه
    ---------------------------

    القصيده

    بعالي صوته المصطفى بيوم الغدير
    علي كال الوالي من بعدي وأمير

    هذا حيدر يا خلك كال الرسول
    هو من بعدي الوصي وهوة الوزير

    والي من والاه يا رب العباد
    وعادي من عاداه كالها النذير

    حيدر الصادق وأمير المؤمنين
    وهل الأمر أمر القدير

    حيدر الغوث وحصن رب العباد
    بيه كل خايف يلوذ ويستجير

    ذراعه الأيمن للنبي بيوم الصعاب
    وسيف بتار الوصي بيده يصير

    وسأل التاريخ وقراه شيكول
    بروحه ضحى ونام بفراش البشير

    لليل خصمك دامس وعتمت ظلام
    ونته مثل الكمر شعيت وتنير

    الشمس من عندك خذت هذا الشعاع
    نور من حيدر تعنت تستعير

    ويوم ردت رادة توفيله دين
    وضن هيه بلا صلاته ما أضن تكدر تدير

    قطب هذا الكون يا داحي الباب
    وبيك كل عالم يحير

    حسد عدهم كلها أقطاب الخلاف
    وانته اسمك للعدل يعني ويشير

    -------------------------------------------------------
    القصيده الثانيه

    يالمخوف الزلم حد كشط الجلود
    ترجف من تشوفك لو يمر طرواك

    تلوذ المعركة بسدك يا بو الحسنين
    وأتضل تصرخ اتخيلك يا علي وتنخاك

    تدلئ الرؤس المعت الفقار
    ويركع رغم انفه الضدك وعاداك

    تطشرها وتلمها الزلم بالميدان
    كاصد لنتحاره واهم اللاكاك

    سيفك ماكو غيره الصوت لمن صاح
    وغيرك لا فتى جبريل من ناداك

    يعني انته الرجولة وشهب رب الكون
    حجر سجيل ربك للكفر سواك

    يا طود المراجل يا شهم يا حيد
    راية دين ربك رفت بيمناك

    بدر ..صفين يا هي الما تسولف بيك
    وياهي أمن الحرايب تقبل التنساك

    فخر...... تاريح ... سيف ...وعلم هذا الكون
    يعني انته الكمال ونختصر معناك

    جذب لا ما نعرفك نعترف مولاي
    بس الله ورسولة قادر العلاك

    اسمك منه اسمك منشطر من نور
    رسول الله.. عن الله... سماك

    مشرق نور ساطع شمس فوك الكاع
    ويشع الكون منك بعض نورك ذاك

    حيل الحك وجفة وسيفة يا ابو حسين
    وضل مهزوم كلمن عاند ولاواك

    بعض من جانبك هذا وجزء ميسور
    من الاف واحد نفتهم معناك

    بحر غلطان احدك لو اوصفك بية
    انته الكون كلة وجزئك الافلاك

    ثائر / المجر الكبير
    27/11/2010

  2. #2
    تاريخ التسجيل
    Apr 2010
    المشاركات
    427

    افتراضي

    الى الاخ الشاعر ثائر المجراوي المحترم
    دارميات وابوذيات وقصائد علوية الهوى مطرزه بمفردات رائعه وجميله ،، صح ألسانك وأتمنى لك الموفقيه والحظ الاوفر في بحور الشعر المتلاطمه ،، تحياتي
    [frame="8 98"]
    الحياة ساقية وزهرة وبلبل والبشر إزائها عين وقلب فمن عكر الساقية وقطف الزهرة وأمات البلبل كان عبئا ثقيلا على الحياة حيث لا إذن ولا قلب ولا عين ومن استيقظ وتمتع بها وجدها جميلة مستبشرة فان شاء غديراً رقراقاً كان ذاك وان شاء سعيراً لاهباً كان هو ولكل امرئ ما نوى. ابو عمار الربيعي[/frame]

  3. #3
    تاريخ التسجيل
    Mar 2010
    المشاركات
    5

    افتراضي

    [align=center]
    اقتباس المشاركة الأصلية كتبت بواسطة ابو عمار الربيعي مشاهدة المشاركة
    الى الاخ الشاعر ثائر المجراوي المحترم
    دارميات وابوذيات وقصائد علوية الهوى مطرزه بمفردات رائعه وجميله ،، صح ألسانك وأتمنى لك الموفقيه والحظ الاوفر في بحور الشعر المتلاطمه ،، تحياتي
    شكرا جزيلا استاذي الفاضل ابو عمار الربيعي
    على هذا المرور الكريم
    انرت متصفحي بهذه الكلمات الجميلة
    لك مني اجمل تحية [/align]

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
 
شبكة المحسن عليه السلام لخدمات التصميم   شبكة حنة الحسين عليه السلام للانتاج الفني