مشادة كلامية بين رجال دين وشلتاغ محافظ البصرة

[احمد الاسودي]

مشادة كلامية بين رجال الدين و شلتاغ محافظ البصرة في ذكرى احتفالية المولد النبوي الشريف

عدد مرات المشاهدة :29 - 24/ 2/ 2011

حجم الخط:

محافظ البصرة يقول " مصيبة عاجلة شلتاغ يتهجم على العراقيين ويقول العاريات افضل منا "
هذا الانسان الضال غرته الدنيا وقام باهانة المتظاهرين في العلن وسوف يرى عاقبة المجرمين بعونه تعالى ، وحسب ما ورد من رجال الدين فأنه موعده يوم 25 شباط هي اخر ايام حكمه وذلك لتعديه على المجتمع البصري . شاهد مقطع الفديو من خلال تحميله ادناه او من خلال الضغط على الرابط ادناه ايضا

http://www.youtube.com/watch?v=ym-pO...layer_embedded

[الناخب العراقي]

شلتاغ بمنطقه السوقي يحكم البصره

http://www.youtube.com/watch?v=W5amUh3iSfg

[ammar]

ليش زعلان هذا ، يعني حقيقه العاريات في اوربا افضل من اي شخص يخرب ويهدم باي حجه. الشى الثاني هو ليش اخذه على نفسه هذا ابو عمامه ، شنو يريد يخرب ؟
عري فرنسا وبريطانيا هو اشرف من كل عمامه تدعو الى الهدم والتخريب والفتنه.

[الكميت]

الفديو يظهر ان المعمم يتجاوز على المحافظ ويهدده بأن يدوس عليه بالقندرة والمحافظ يتصرف بهدوء ودون انفعال والتصوير تابع المعمم ولم يتابع المحافظ !! وفي الفديو الثاني يتحدث المحافظ عن احترام المظاهرات من قبل العاريات في اوربا دون التسبب بالاذى ونحن اهل الدين نخرج ونخرب
وانفردت قناة البغدادية بنشر الفديو

[المتيقن]

ما اسم هذا المعمم السيد واظهر بطولاته الخارقة

[ammar]

اخوان بشرفكم ، هاي تصرفات واحد معمم ؟؟ المفروض عليه الوقار والاخلاق حتى ولو ان المقابل اخطا او خربط بكلامه . هي هاي مكارم الاخلاق الى تفرضه عليه عمامته ؟

هاي اخلاق ولد شوارع ، وشنو يعني ايامهم معدوده ، منو الي ايامهم معدوده ؟! اخلاق بعثيه

[العقيق]

ما اسم هذا المعمم السيد

هو السيد عبد الكريم الجابري ....

الشفية شلتاغ شوية زلگ لسانه ما گال شيء ( اذا العاريات الكاسيات افضل خلقا منــــــــا ) هذا كل ما قاله شلتاغ !

وكما تزعم العرب ( المرء بأصغريه قلبه ولسانه )

..

[علي خضر]

القاعدة والتكفيرين .......نفروا كل العالمين من الدين الاسلامي وكل العالم ينظر الان الى الاسلام بانه ارهاب وذبح وصلخ والاسباب اتباع البهيمة ابن تيمية بن لادن وعصاباته....

وهذا الشيخ المعمم واضرابه هم اعداء لمذهب اهل البيت عليهم السلام...بهذ السلوك الشاذ والغريب سوف ينفر الناس من مذهب اهل البيت ... ......مذهبنا مذهب التسامح والاخلاق العالية وكل من يشذ عن اخلاق اهل البيت عليهم السلام فهو ليس من اتباع اهل البيت ......الدين يعني القيم والاخلاق اولا وقبل كل شيء....

[الكميت]

خويه العقيق ممكن بعد معلومة عن السيد لاي جهة ينتمي؟

[المتيقن]

هو السيد عبد الكريم الجابري ....

الشفية شلتاغ شوية زلگ لسانه ما گال شيء ( اذا العاريات الكاسيات افضل خلقا منــــــــا ) هذا كل ما قاله شلتاغ !

وكما تزعم العرب ( المرء بأصغريه قلبه ولسانه )

..

شكرا للعقيق الغالي
يعني شلتاغ افندي الا العاريات تاتي به مثلا ........
بس السيد قال كلام لايمكن هظمه الاكبر منك طيحناه وصدام ..... مبين شرس هذا ..
سوف يضحي به المالكي عن قريب اقصد شلتاغ افندي , حضر راتبك التقاعدي والله وياك

[العقيق]

خويه العقيق ممكن بعد معلومة عن السيد لاي جهة ينتمي؟

لا يهم العقيق الجهة التي ينتمي اليها السيد الجابري ...
ولكن الذي يهمه هو الجهة التي ينتمي اليها شلتاغ والخلق العظيم الذي يحمله !
هل اصبح ساستنا ينظرون لنا بهذه العين الحمقاء !
تبا لك ايها الكرسي كم انت حقير !

العاريات افضل خلقا منــــــــا !

نعم من الممكن ان يكن العاريات افضل خلق منه ومن امثاله من المحافظين ورؤساء مجالس المحافظات واعضاءها وهنا لا استثني احدا ......... وبهالرگبة ...

طاح حظ شلتاغ الاغبر ...

ينسب لامير المؤمنين علي عليه السلام انه قال :-

ليت رقبتي كرقبة البعير ........ "حتى ازن الكلمة قبل اخراجها"


...

[الحلفي1]

شلتاغ بعربيته الفصيحه يجب ان يكون اكثر حنكه ودقة في تعبيراته لانه محافظ وسياسي ويؤاخذ على كل مايصدر منه والسيد احنه ابخت جده هم شويه مصخها المفروض يكون شويه اهدأ ويحجي وي شلتاغ على كيفه

[atheerali]

ما احب شلتاغ وماتعجبني كثير من قراراته لكن بعد رؤية تصرف هذه المعمم اكول
لاعاب لسانك شلتاغ
فعلا العاريات افظل من هذه المعمم بالتصرف وابداء الراي والاعتراض
لي راي طبعا من بعد اذن الاخوه
هذه المعمم مو هو الي داس على راس صدام
امريكا هيه الي داست على راس صدام وممكن تدوس على راس اي انسان ومن ظمنهم هذه المعمم

[علي خضر]

هذا لايمكن تسميته الشيخ المعمم.......وانما الشيخ المظعرط

[ammar]

ويريدون يسوون مضاهرات ، زين هذا معمم ويمكن دارس بالحوزه ويوكف يصلي وراه فد ١٠٠، هيجي يعنفص ويتفل ، زين شيتريدون من الشرطي اذا اجته حجاره من متضاهر ؟؟؟ !!!!!!