(( مصائب))
@@@@@@@@@@@@@
@((((مصايب ال الرسول المصيبه ألأولى ))))@
شهادة الرسول والزهراء عليهم الصلاة والسلام
========
أيكلي العاذل شمالك تون وتنوح= متكأب حزين وتسجب المدمع
أتريد أتفرق ألأمه وتهيج أجروح=وأحنه نريد نتوحد ونتجمــــعِ

كتله بهل القضيه أوياك متفقين=واجب نتحد ونعلي أســــم الدين
لاجن ياعزيزي لا تغمض العين=كُن مُنصف بحجيك لا تضل تابع

لاتبكه ذنب تابع لبو سفـيــــــــان=أحجي بالحقيقه وحكم الوجـدان
ألأمه السمة الهادي النبي العدنان=يحصل خير من هل أمه تتـوقع

يكول النبي مات وماتت ألآيـــــــات=كتله مشتبه حيّ النبي مـا مــات
النبي عدربه يُرزق ساكن الجنات=يشوف أعمالنه ويشاهد ويسـمع

كال أنسه القضيه لا تضل مهـمـوم=بعد شيفيد نوحك عل كضه مسموم
كتله المصطفى ساكـــن دليلي دوم=عن نوح النبي لا تعتـــــــقد أرجع

لونفرض جدل نتناسه ذاك اليــــــوم=نتناسه السقيفه وفعل ذيج الكوم
يضل ضلع الزجيه أعليها شاهد دوم=ويحَرّك ضمير العالمـــــين أجمع

تريد أنسه الجنين الأسكطوا بالــباب=لوأنسه الوديعه ما عليها أحجاب
لو أنسه الثدي من أم الحسن ينعـاب=لون محسن عدل بيمن بعد يرضع

ما انسه الزجيه وأنسه ذاك الحال=دم ضلع الوديعه ينزف وسـيـــال
أجت تطلب أرثها الغصبته ألأنــذال=راحت للخليفه أتريد تشـــفـــــع

ألخليفه مُفترض بي حُجة ألإسلام=والمفروض عنده الناس ما تنضام
شلون أيسبب البنت النــــبي آلام=ويعرف فاطمة السر ألله مستودع

خل أنكول جان الرجل عنده ألهام=خليفه واجبه يطــــــبق حكم إسلام
شكليه القضيه يطبق ألأحـــــــكام=أيريد أيثبت الحك جان متــــــورع

يعرفها زجيه وطاهره البضــــعــه=لاجن الرجل فعل الغدر طبـــــــعه
كال ألها أريد أشهـــود متـورعــه=تثبت دعوتج وبمحضري أتوقـــع

أمتثلت فاطمه بنت النبي المختار=جابتله الحسن وحسين والكـــرار
أوياهم أم أيمن تشهد على الصار=منهم كل فرد من النبي سامــــع

كال ألها علي القرصه يجر النـــــار=عجميه أم أيمن ما تعرف أشصار
والحسنين ذوله على الشهاده أزغار=وشهاده من الطفل ما تنقبل ترجع

ذكي جان الرجل ما ينــغلب فنان=راضع للخـــباثه من أبو سفيــان
إذا أرجع فدك للزهره والحسـنان=ترد أتطالبه بحـك الوصي ألأنزع

ما أنسه الزجيه وهجمـة ألأشرار=وأدري بابها ما ضل عليه أســتار
أباب الطاهره ربعك توج النــــــار=وسيدكم عصرها وكسر ألأضـلع

ماتت فاطمه بت سيد الســـــــادات=عليهم غاضبه ماتت تجر حسرات
من أصحاب السقيفة شافة الويلات=يابأس الصحابه وبأس هل مجمع

ماأنسه الزجيه وأنسه ذاك الحال=أبظلام أليل نعش أم الحسن ينشال
يتواره كبرها خشــــــــية ألأنذال=ولليوم الكبر ياناس متضـــــــــيع
==========
@@@@@@@@@@
((((مصايب آل الرسول المصيبه الثانيه)))))
شهادة الإمام علي والإمام الحسن عليهم السلام
=========
بعد خل نمشي آنا وياك للكــــوفة=ننشد عن علي ونتحره معـــروفه
بلجت يحجي المحراب سالــــوفه=شلون المرتضى كبل الفجر يصرع

محراب الصلاة يحجيلك ألي صار=موأبن المرادي صاحب التدبــــار
من يوم السقيفه أنصرع حامي الجار=وبدئت سنة المختار تصــــدع

ما ننسه الوحي جبريل لمن صاح=أنذبح رمزالعداله وكوض ألإصلاح
أركان الهدى أهندمت بهالمصباح=وشداد ألسبعه كادت تهتز وتوكـع

يعاذل خل نرد لرض ألمدينه أنروح=ونشوف الحسن بين ألأهل مطروح
خل أنساعد حسين ونجيم النـــــوح=خل أعيونه مـــــــــن دم تهل مدمع

يعاذل خل نروح أنشيع المســمـوم=ونشوف أشجره وشصارذاك اليوم
منعوا يندفن يم جده المظــــــــــلوم=وراكبة الجمل عن الدفن تمــــــنع

على ألبغله أركبت وتحشم أبمروان=لفاها أبن الطريد أمفرع ولهـفان
عد عيناج كال ألها يبت فـلتــــــــان=وسهام النذل وسط النـعش ترتع

بكليب أبو فاضل وجرت نـيــــران=سل سيفه بيمينه وأعتنه المـروان
صاح حسين ياعباس ياريســــان=خل سيفك بغـِمده بكربله يطــلع

خل نترك ألطيبه وللطفوف أنعــود=يعاذل آني وأنت نصير بيها أشهود
ونشوف الحسين شضحه للمعبــود=بروحه و بالطفل ضحه وهله أجمع
=========================

@@@@@@@@@@@
(((مصائب ال الرسول المصيبه الثالثه))
في أحداث كربلاء
==============
مصايب كربله مــا تنحسب بحساب=جثيره وشيبت كلب الطفل والشاب
من عظم المصايب كلب زينب ذاب=حتى العين جفت بعد مـــــا تدمع

يشيعي أتصورالحاله بكلب مالوم=لا تنسه الوداع الصار ذاك اليوم
بين حسين ولأكبرعلي الجيـدوم=وليلى أتعاين الحاله وتهل مدمع

مـن بعد الوداع أتعنه للحومـــــه=علي يشبه محمد جده برســـومه
مثل حيدر علي حملاته معلومــه=لا جن القــدر يا حيف أله أسرع

نزل للحومه أبو اليمه بكلب مهموم=لكه ألأكبرصريع أموذرينه الكوم
حط خده على خد وندب يم جلثوم=يليلى غاب بدرج بعد ما يطـلع

لهفي على الغريب من أعتنه بهمه=العلي ألأكبر يجلب جروحه ويشمه
مـــــــــاأنسه العقيله من دنت يمه=عاف أبنه الشهم ليه رجع مسرع

ينادي يا عقيلة والـــــــــدي حيدر=ردي للخيـــــــــم سكـــــتيلي الخدر
أعز خدرج يزينب مــن علي ألأكبر=يختي اساعه اجيبه وللخيم أرجع

جمّع كُل قواه وحاول أيشـــــيله=لجن عظم المصيبه أخذ كُل حيله
كلي أشلون حـــــــال ألوالده ليله=شلون ألأم على أفراك ألولد تهجع

ورمله تندب الجاسم يماي العيــن=هذا حسين عمك ما بكاله أمعيـــــن
يبني العرس خله وحامي عن الدين=عرسك بالحشر يـــــم جدك ألأنزع

كأني بجاسم يكلها يبـــــــــعد أجلاي=أضحي دون عمي بيسرتي ويمناي
من عودي الحسن يمي وصيه هاي=شحلات الموت دون حسين والمصرع

مــاأنسه الشباب ابن الحسن جاسم=نزل فرحان للحومه بوجه باســـم
برماح وسيوف أحتاشة الــــــوادم=طاح على ألوطيه وجه يتشعشــــع

وعباس الشهم ما راوده كل خوف=طشرها وجمعه يوزع إلها أحتوف
مثل نسرالبراري وحدّرعلى أرفوف=لاجن ألأمر من السمه مشـــــــرع

كون أيطيح عباس على المسـنايــه=ويطيح الجود والجفين والرايــــــه
لهفي على اليتامه التنـــــتظرمايـــه=ضلت بالخيم تتنطره يرجــــــــــــــع

لهفي على الكمرحامي الظعن عبــاس=ما انسه بعمد مهشوم منه الـراس
من بعده على زينب جسرت ألأرجاس=شمر بالسوط لمتون الحرم لـــوع

ماأنسه الغريب حسـين لمـــــــن راح=تمدد يم عضيده والدمع سفـــاح
أنكسر ظهري ينادي ونطفه المصباح=بعد ما شوف دربي ولا بكه مفزع

رد من النهر يتعثر أبهـــــــــــمــه=وعقيلة هاشم أبســرعه لفت يمــه
تنشده وين أخونه راح أبو الهمــه=يكلها على النهر يا زينب المصرع

يزينب راح أخوج الجان ما ينجاس=يزينب عالنهرطـــاح العلم والطاس
يزينب خدرج أخلاف الكمر ينداس=وزجر بالسوط لمتونج تره يلوع

لفت يمه الرباب تصيح راح أحماي=يبو اليمه الخبر زيد علي بلـــواي
عبدالله رضيعك أيس من المـــــاي=عكب عباس ياهو اليسجي الرضع

====================
@@@@@@@@@
(((مصائب ال الرسول المصيبه الرابعه)))
أستشهاد الرضيع وأبوه الحسين (ع)
=============
لهفي على الرضيع البالمهد مفطوم=شاله حسين عطشان ونزل للــكوم
لجن سهم المنيه بكتره كام أيحـــوم=وصابه حرملة بسهم الردى المُفجع

من حس الرضيع أبنـــبلة ألرماي=وسال من النحر دمــــه تصّور ماي
كأني بالطفل يصرخ يصح أبـهـــاي=يبوالحمله علينه من النجف أفـزع

الطفل يتصور الدم ماي ويشـــربه=رضيع حسين يا وسفه كضه نحبه
أخذ دمه الحسين اوجه الــربـــــــه=نادى الحكم ربي تشــاهد وتســمع

يعـــاذل لاتكلي ليــش حزنانين=أمصاب حسين أبجه العرش والكونين
بحُب آل النبي الطيبين مأمورين=بغير حسين وحشه الدنيا ماتنــــــفع

ماأنسه الحجرمن صاب وجه حسين=شال الثوب يمسح دمه عـن العين
لفاه السهم مسموم ســـــــهم البين=مرد جبدته ومـــن ألكفه المطلع

مثلث هالسهم كلب السبط صابه=من ظهره طلع وتمزك أحجابــــــه
ريته صاب كلبي كبل مــــــاصابه=ولا لكلوب آل المصطفى يفجــــع

شوصفلك بعد حـــاله تذوب الروح=ما ننسه الحسين على ألثرة مطروح
أمدد بالمعاره من ألكفه مذبـــــــوح=ركه صدره شمر والمنحره يـــكطع

بهل الساعه العصيبه شحال أخت حسين=نزلت للمعاره وتجري دمع العين
تمشي بكُل وقارأربات أبو الحسنــــــين=أظنها من الصبرمخلوقه ما تجزع

نزلت للمـــــــعاره زينب بــــــــــــآداب=ما لطمة وجها وفكدت ألألــــــباب
مثل أمها الزجيه يوم حرك الــــــــباب=نور ألله وجلاله الها صبح بركـــع

نشد عنها أللعين وكال هاي أمنـين=كالوا بت علي أخت الحسن وحسين
آمر جيشه عنها ينفرج صـــــوبين=لأن يعرف عقيلة حيـــــدر ألأنزع

يعرفها عقيلة هاشم وعدنــــــان=خيال الها العقيله بالحلم مــــا بان
لاجن يا ألف وسفه الدهر خـوان=يغدر بالشريف وللــــــنذل يـُرفع

وصلت للذبيح ورفعته بهـــــــــــداي=ألهي أقبل هديه من رسولك هاي
ألهي أنجان حاكم أنسبي وي أعداي=طوع أمرك ألهي الحكمتك نخضع
======================
@@@@@@@@
((مصائب ال الرسول المصيبه الخامسه))
مسير السبايه من كربلاء ألى الكوفه
========
ردت بت علي وشافت سنـــا ألنيران=بخيام الرسالة وحركت الصـيوان
والأيتام تفتر بالخـــــيم ميــــــــدان=تنتظر ألأمر يصدر مـــــن المرجع

أجت أم الحزن وتهل دموع أعـبار=تريد تخلص السجاد مــــن النار
تنادي ياعلي يبن الوصي الكرار=لفتنه الكوم كلي ياعلي شـصـــنع

كال ألها يعمه عوفي الصـيــــــــوان=وأخبري اطفالنه خل تظرب الوديان
سلمي أمرج يعمه الواحدالديـــــــان=بالمرصاد ربنه ينظر ويسمـــع

بعد ساعه الشمر لن يصرخ بصوته=يزينب لليسر كومي هلج مـوتــه
نادت ياعلي يونس وسط حـــــوتــه=وحظرته ياعلي الزينب تعـــال أفزع

عرش بلقيس جبته للنبي سليمــــان=من أرض المدينه حضرت يم سلمان
هذا حسينك العريـان والعطشــــــــان=أمدد عالثره وراسه بـــــــرمح يُرفع

عفه صبرك يحيدرماأجيت أشلــــون=يبويه حسين ضل بكربله مرهـــون
ثلث تيام فوك الغبره مـا مدفـــــــون=على جسمه الوحوش تصلي وتركع

يعاذل لاتظن ننـســـــه المشن يسره=مـــــن بعد الكفيل ألهن زجــــر يبره
ما ننسه العليل اليسجب العبــــــــره=بسكوت الدمع مـــــن ناظره يطلع

لهفي على الحرم من طبن الكـــوفه=ربات الخدر بحــبال مجتـــــــــــوفه
نغل مرجانه مرتاح على هالشــوفه=وألمبسم حسين امسـطره يقــــرع

لهفي على العقيله أمجلس أبن أزياد=يشتمه النغل وبمحضر الســـــجاد
بكُل جرئه العقيله ردت ألجــــــــــلاد=أتبوء مقعـــــــدك بسفل درك توكع
===============
@@@@@@@@@@@

(((مصائب آل الرسول المصيبه السادسه))))
مسيرالسبايه من الكوفة إلى الشام

من الكوفه سره الحادي بظعن أيتام=يسج باليل ما يرضى اليتامه تنــام
يريد يزف خبر ليزيد طاغي الشــام=رجس ما يرحم ألأطفال والرضع

على هذالحال والحادي طلع مسرع=بليل أظلم لعد كلب الحـرم روع
يحدي بصوت عالي ويشتم ألأنزع=من تبجي الحرم لمتــــــونه يقرع

بطريق الشام طفله من الظعن طاحت=يحادي العيس تانيني برعب صاحت
بألله لا تعوفــــــــوني وهلي راحت=خذاهه البين وصواب الدهر يوجـع

عجيبه راس أبوهه يرتكز بالحيـــن=أنتخوله من الزلم بالقوه موصوفين
ولا واحد كدر يرفع الراس حسيـــن=أبدوا كل جهــــــــــدهم لنَها ماتنفع

راحوا نشدوا السجـــــــاد مذهولين=أرتكزبالكاع رمح الشال راس حسين
نشدهم وين أبويه شابح العينيــــــــن=طفله لو طفل مـــــن الظعن موكع

ساعه وسمعوا الطفله بحزن وونين=تنادي وين عمي وين أبويه حسين
نادتها العقيله بســــــج تعتــــبين=أبوج حسين راسه عليج يتــنـــوع

======================
@@@@@@@
(((مصائب ال الرسول المصيبه السابعه)))
دخول السبايه ديوان يزيد (لع)
=====
لرض الشام طبوا لكوا بـيه عيد=الجهال أبجهله تفرح أوي يزيد
مزمار وطبل تصـــافح أيد بأيد=ومعيده البهـــــــائم تاكل وترتع

من شاف اليساره أيزيد بالديوان=نادا بكل وقاحه الجده أبوسفـيان
أخذت الواحد بسبعين مـن عدنان=وراس حسين هذا بالدم أملـــفع

زينب نادت بحسره وكلب مكـســور=يجدي أفزع علينه أمت يامنصور
يزيد أينادي بشيوخه أبفرح مسرور=بناتك باليسر يالمصطفى تقــبع

نادت يا يزيد أعلينه تجـــــــــــسّر=لون حاضر أبو فاضل ولله ماتكدر
يا وسفه الزمن بهل الكــرم يغددر=يحتضن الرذيل وللشـهم يصرع

وتعال وشوف موقف سيد العباد=حين الي صعد وتعلى عل أعـواد
خطب خطبه بليبغه وبين أشماراد=بيه غيرأفكار الحـــــــــشد أجمع

كال ألهم يهل الوادم أسمعوا زين=أنا جدي محمد سيد الكونـــــــــين
وجدي المرتضى فارس بدروحنين=أبوي حسين جسمه أبكربله أموزع

صارت ضجه بالمجلس نحب ونياح=ويزيد اللعين على ألمــــؤذن صاح
كله كوم نادي للوضع أصــــــــلاح=بلجت عن فضيـــــحتنه علي يرجع

مـــن نادى المؤذن هلل اوكبــــــر=ذكر أسم النبي بي شهــــــد عالمنبر
علي السجاد من عينه الدمع حـّدر=صاح أبصوت عالي وصل كل مسمع

محمد هذا جدك يبن أبو سفــيـــان=أنت أبن الطليق أتعرفك العربــــان
وإذا جدي عليش أمجتف النسوان=بنات المصطفى خير البشر أجمع

بهالحضه يزيد آمر على ألأنـذال=تفك قيد ألحريم تكـطع ألأحبــال
ومن ركبة العابد ترفــع ألأغلال=والباقر يويلي أيعاين ويســـــمع

نزلوا بالخرابه بأمر طاغي الشـام=من كثر التعب صارت رُقيه أتــنام
شافت وجه أبوه بعالــم ألأحـــــلام=يا وسفه الحلم ما يشبه الواقـــــع

من فزت يتيمة داحي ألبيــــبان=أرتفع وسط الخرابه النوح وألأحزان
والجلواز راح بسرعه للديوان=أخبر سيده أيزيد ورجـــــــع مسرع

ما أنسه الرجس لمن سمـع أخبار=طفله تريد أبوها حسين يلفي الدار
وده الراس ليه وزيد أله النار=راد بهل لفعل كلب الحرم يفجـــــع

حين الشافت الراس بطشت موضــوع=عليه ذبت نفسه والكلب مفـجـوع
كضت وسفه اليتيمه وسكنة من الروع=رفعته العقـيلــــه وتسجب المدمع

تعال وشوف مرقد هاليتيمه أشلون=مطرز بالذهب والجوهر المكنـون
كرامه هاي للهادي زعيم الكـــون=كرامه هاي للزهره وعلي الأنزع
=================
@@@@@@@

المصيبه الثامنه =زيارة هند بنت عمرزوجة يزيد (لعنه الله)
للسبايه (ع)

ما أنسه هند حين ألأجت ليـــهم=مرّت أيزيد أجتهم تشـــتفي بيهم
أميره حاكمه أعلى الشام وعليهم=والخادم حمل كرسيه المرصع

مــــن طبت عليهم حست أبآلام=تشوف وجوهم ضوت ديار الشام
نشـدتهم منين أنتــــم يهل أيتــــام=ماسمعت جواب تشوف بس مدمع

التفت عايـنت زينب تهل العيـــــن=كالت يا أ ُخيا موطنج مـن ويـــــن
كالت بالمدينه أهلي ابعيــــــديــــن=هذا راس أخويه على الرمح يُرفع

هند كالت يخيتي يا مدينه هــــاي=يختي من أسمعته ذاب شحم أجلاي
يختي جلمتج زيدت همي آهـــواي=أكثر فصلي عنه أريد أســــمـــــع

أجابته العقيله مــوطن المختـــــار=الشــرفه ألجليل الواحد الجبار
وحنه اليوم أوُساره عدكم وخطار=ما واحد حشـمنه وبينه يتشفع

هند من سمعة بطاري النبي يصدع=نزلت من تخته وتسجب المدمع
عافت ذاك كرسيه وهـــــــوت تركع=كرامه للنبي وللمرتضى ألأنزع

هند كالت أنشدج جوابني زيـــن=أنشدج عن نزل مولاي أبوالحسنين
بيه أترعرعت ويا الحسن وحسين=وبعد عن العقيله زينب أرد أسمع

من نشدت هند عن حيدر الصنديد=ضجه صارت ونوح وزيادت ويــد
أنا زينب وراس حسين عند أيزيد=وأم جلثوم هاي وسكنه هــالتسمع

من سمعت هند هذا الخبرهـــاجت=والشام أبأهله ارتجت ومـــــاجت
للديوان طبت بالحزن نـــــــــاجت=يزيد أشلون راس أبن النبي يُكطع

كال ألها هند نوحي إذا ترديــــن=أبن أزياد عجل بالحـرب لحسين
كالــتله يزيد أنت عدو الديـــــــن=ذبحته وآمرت راسه برمح يرفع

جلت قدرت الباري اشكتب بالـوح=بعقر دار أليذبحه يُندب المذبـــوح
هند نصبت المأتم والكلب مجــروح=كلبه صـــــــار طول ألعمر متوجع
============
@@@@@@@@@

((((مصائب ال الرسول المصيبه التاسعه))))
رجوع السبايه الى كربلاء

من شاف ألوضاع إيزيد متوتره=أيزيد أصدر أوامر ترجع اليسره
وعين للظعن حادي برفق يبــره=ويسيرأبلطف ويه الظعن يطلع

من بعد اليسر آمر يزيد الشــام=ترجع للمدينه ألحرم ولأيتــــام
وردت هالضعينه محملــــه آلام=زينب تندب حسين ابكلب مُفجع

وصلت للعراق وعاينت دربين=واحد للمدينة واحد أعله حسين
صاحت ياعلي يبني ينورالعين=خل ظعن اليتامه الكربله يرجع

عده أعتاب ويه حسين هالأيتام=تريد تعاتبــه وتخبره بــــــآلام
تخبره عن رُقيه الي قضت بالشام=وترد راسه عليه بلجت يرد يسمع

بلجت من نرد الراس للمظلــوم=يتلكه اليتامه ويكعد مــــــن النوم
يسلي العايله وعنه يزيل أهموم=ويزيل التعب وينشف المدمـع

وصلت للطفوف أم الحزن وتنوح=على كبرحسين طاحت والكلب مجروح
نادت وين سكنه كومي زيدي النوح=على حسين وعلى أل النــبي أجمـــع

جالن عالكبر بـــــــالحسره ولأحزان=ليلى وزينب وجلثوم والنســـوان
هذا الماي أشرب يالمتت عطشــــــان=بلجت ترتوي وروحك ألك ترجـع

خذن جولات يم كبرالغريب حسين=وصاحن ياعلي درب الشريعه وين
دلينه على اخونه أمكطع الجفين=عباس الشهم لوّ شافنه يفـــزع

وصلن للشريعه يم كبر عبــــــــــاس=صاحن يالكفيل أكعد يبو النوماس
علينه خلاف عينك جسرت ألأرجاس=يظربونه ويشتمون الوصي ألأنزع

ثلث تيام ضلن والكلب مجــــروح=كل ساعه أبكبر واحد تجيم النوح
كال أله علي يا عمه خل أنروح=الكبر جدنه النبي ونخبره بالمصرع

كالتله يبوالباقر شـــــكل للنــــاس=لوّنشدوني عن حسين والعـباس
شكلهم عفت أخوتي ماعليهم راس=وعبدالله الرضيع أوياهم أمكطع
===========================
@@@@@@@@@

(((مصائب آل الرسول المصيبه العاشره)))
وصول السبايه للمدينه المنوره

عافوا كربله وكصدوا أرض يثرب=حين الشاهدوا حي النبي كـــــرب
العابد ناشد الحادي بشـــــــر يكتب=شعر ويروح يم كبر النبي يصدع

حمل رايه حزن سوده وللمدينه راح=وبصوته الجهوري بالمدينه صاح
أنذبح رمزالعداله وكوض ألإصلاح=جسم حسين ضل بكربله مـــــوزع

بشرراح أعلن القصه ونشرأخبـــار=صاح بصوت عالي وسمعته كل دار
جزاكم سومه ألبستوا الشنر والعار=خلاف حسين وحشه الدار ماتنفع

فزعة كل أهل يثرب تهيل تراب= فوك الروس والمدمع دمه سجاب
تندب ياعلي وينك يداحي البــاب=على زينب يحيدر أسف ما تفزع

ساعه ولن عجوزتهل دموع العين=محنيه الضلوع تنشده عن حسين
نشد عنه وعرفـــــــــــه أم البنين= بالتدريج صار يوصف المصرع

كال اله بشر يا هل تنشديــــــــــــن= انجتل جعفروعون شتكوليـــــــن
كالت فده جعفر وعون يروح لحسين= كون حسين سالم ولدي خل تصرع

رد وكاله راح البطل عبـــــــــــــــاس=جفوفه اتكطعت وأنسلب منه الطاس
كالت فدوه لحسين يروح ابوالنوماس= بس حسين سالم للوطن يرجع

كال أله بكه عاري على التربــــــان=يمه أمطرحة ألأنصار والشـُبـــان
بحرالصيف ماضاك العذب عطشان=ولا واحد بكطرة ماي أله تبـــرع

ما أنسه الشريفه الحره بت أحزام=ما نشدت على عباسه الضرغــــام
همها حسين سالـم يرجع المقدام=لجله ضحت انسور الربى ألأربع

محنيه الضلوع وتسجب العبره=ونار حسين بالدلال متـــــوجره
وفه من أم البنين الفاطمه الزهره=والحامي الحمه حيدر علي ألأنزع

وزينب نادت بحسره وحزن وألام=يمحمد ليفتك أشجي هضم الشـام
يخويه ريت تنظرحالت ألأيــــــتام=سهرانه وتنوح اليل ما تهــــجع

يمحمد ردت تحضر يعالي الشان=تشوف أختك أسيره وطبت الديوان
مربوطه ابحبل من أيدي للوجعــان=وجهي أشلون أستره الناس تتنوع

كــــال أله يزينب حكج أتعتبيـــن=أخوج آني يزينب وأنتي تعرفين
لوله علتي مــــا كصرت تدريــن=أفدي حسين بالعنين وألأذرع

لهفي على العقيله من لفت للـــدار=طبت بيت أخوهه وشافت ألآثار
محراب الصلاة مظلم بدون أنوار=أخلاف حسين وحشه الدار ماتنفع

طبت دار أخوهه وبدئت الأحـــــزان=كالت للوصيفـــــــه أغلجي البيبان
علينه ما أريدن تدخل النســـــــوان=تشمت بالجره على ابن النبي ألأروع

ساعه ولن لفت حـُره تـــــــدك الباب=لنه أم البنين الفاجده ألأطيـــاب
تنادي حسين يبني وين شخصك غاب=يريت الناس فدوه تروحلك أجمع

تلكته العقيله تلطـُم أعلى الـراس=وتصيح بحزن يا ويلي عالعباس
يمي شرد أخبرج عن أبو النوماس=دون حسين أرخص مُهجة مسرع

يم عباس يمي الكمر حين الغاب=علينه هجمت ألأشرار جنه أذياب
مثل ما هجمت ألأرجاس يوم الباب=على أمنه الزجيه وكسرت ألأضلع
خادم الحُسين (ع)=السيد الشرع الموسوي