يحيدر كوم للعابد تعال افزع
زينب عل هزل ياحيدرألأنزع
========
الظعن لمن يشيل يريدله وليان
مره يصعد و مره يهبط وديان
والوالي عليل من المرض نحلان
شلون يرجب الطفل الذي يوكع
يحيدر كوم للعابد تعال افزع
======
علي أنت علي يـــــا آية الرحمان
عرش بلقيس جبته للنبي سليمان
حضرة من المدينه ودفنت سلمان
علي السجاد ليك أعيون تتطلع
يحيدر كوم للعابد تعال افزع
========
بطريق الشام طفله من الظعن طاحت
يحادي العيس تانيني برعب صاحت
بالله لاتعوفوني وهــــــــــــلي راحت
خذاهه البين وصواب الدهر يوجع
يحيدر كوم للعابد تعال افزع
========
عجيبه راس أبوه يرتكز بالحيـــن
أنتخوله من الزلم بالقوه موصوفين
ولا واحد كدر يرفع الراس حسيـــن
أبدوا كل جهــــــــــدهم لنَه ماتنفع
يحيدر كوم للعابد تعال افزع
============
راحوا نشدوا السجـــــــاد مذهولين
أرتكزبالكاع رمح الشال راس حسين
نشدهم وين أبويه شابح العينيــــــــن
راسه على الرمح لطفاله يتنوع
ساعه وسمعوا الطفله بحزن وونين
تنادي وين عمي وين أبويه حسين
نادته العقيله بســــــج تعتــــبين
أبوج بكربله جسمه بكه موزع
===========
طبوا للشئام وبـيه شافوا عيد
الجهال أبجهله معيده ويه يزيد
مزمار وطبل تصـــافح أيد بأيد
فرحانه بهـــــــائم تاكل وترتع
يحيدر كوم للعابد تعال افزع
======
من شاف اليساره أيزيد بالديوان
نادى بكل وقاحه الجده أبوسفـيان
أخذت الواحد بسبعين مـن عدنان
وراس حسين هذا بالدم أملـــفع
يحيدر كوم للعابد تعال افزع
=======
يزيد أينادي بشيوخه أبفرح مسرور
وزينب صاحت بحسره وكلب مكـسـور
بناتك هاي يـــــــــــاجدي بلايه أخدور
غريبه باليسر يالمصطفى تقــبع
يحيدر كوم للعابد تعال افزع
===========
صاحت يا يزيد أعلينه تجــــــــسّر
لون حاضر أبو فاضل فـــــلا تكدر
يا وسفه الزمن بهل الكــرم يغدر
يحتضن الرذيل وللشـهم يصرع
يحيدر كوم للعابد تعال افزع
=========
تعال وشوف موقف سيد العباد
حين الي صعد وتعلىه عل أعـواد
خطب خطبه بليغه وبين أشماراد
بيه غيرأفكار الحـــــــــشد أجمع
يحيدر كوم للعابد تعال افزع
======
كال ألهم يهل الوادم أسمعوا زين
أنا جدي محمد سيد الكونـــــــين
وجدي المرتضى فارس بدروحنين
أبوي حسين جسمه أبكربله أموزع
يحيدر كوم للعابد تعال افزع
===========
صارت ضجه بالمجلس نحب ونياح
ويزيد اللعين على ألمــــؤذن صاح
كله كوم نادي للوضع أصــــــــلاح
بلجت عن فضيـــــحتنه علي يرجع
يحيدر كوم للعابد تعال افزع
=======
مـــن نادى المؤذن هلل اوكبــــــر
ذكر أسم النبي لاجن شتــــم حيدر
علي السجاد من عينه الدمع حـّدر
صاح أبصوت هز اركانهم اجمع
يحيدر كوم للعابد تعال افزع
========
محمد هذا جدك يبن أبو سفــيـــان
أنت أبن الطليق أتعرفك العربــــان
إذا جدي عليش أمجتف النســـوان
بنات المصطفى ألأنقذكم وشرع
يحيدر كوم للعابد تعال افزع
===========
من صوته ارتبك وامر على ألأنـذال
تفك قيد ألحريم تكـطــــــع ألأحبـــال
عن زين العبـــــــــــاد توخر ألأغلال
وبو الباقر على الأعواد مترفع
يحيدر كوم للعابد
=========
نزلوا بالخرابه ونامت ألأيتــــــــام
من كثر التعب صارت رُقيه أتــنام
شافت وجه أبوه بعالــم ألأحـــــلام
تصرخ بالثبور ولا بعد تهجــــــع
يحيدر كوم للعابد
========
مــــــــــن فزت يتيمة داحي ألبيــــبان
أرتفع وسط الخرابه النوح وألأحزان
والجلـــــــــــواز يركض راح للديوان
أخبر سيده أيزيد ورجـــــــع مسرع
يحيدر كوم للعابد
======
ما أنسه الرجس لمن سمـع أخبار
طفله تريد أبوها حسين يلفي الدار
وده الراس ليه وزيد أله النار
راد بهل فعل كلب الحرم يفجـــــع
يحيدر كوم للعابد
=========
حين الشافت الراس بطشت موضــوع
عليه ذبت نفســــــــه والكلب مفـجـوع
كضت وسفه اليتيمه وسكنة من الروع
رفعته العقـيلــــه وتسجب المدمــــــــع
يحيدر كوم للعابد
=========
تعال وشوف مرقد هل يتيمه أشلون
مطرز بالذهب والجــــوهر المكنـون
كرامه هاي للهادي زعيـــم الكون
كرامه هاي للزهره وعلي الأنزع
يحيدر كوم للعابد تعال افزع
===========

سيد كاظم الشرع