|
-
سليم الجبوري يصب جم غضبه على شيعة العراق قبل قليل بالعربية
من خلال اتصال قناة العربية مع سليم الجبوري لتغطية فبركة استهداف الحرم المكي اليوم وبدلا من الاستنكار لداعش والارهاب والقاعدة انحرف ليظهر معدنه الطائفي الخبيث فصب جم غضبه على الشيعة واتهممهم بالطائفية محذرا من عودة داعش مادام في العراق سلاح خارج الدولة ويقصد الحشد الشعبي وان السياسيين يهمشون السنة وان سبب انخراط الشباب في داعش هو هيمنه الشيعة على الحكم حتى ان المذيعة استغربت من جوابه فهي لم تساله عن العراق وكان سؤالها عن الحادث المبرك التي افتعلته المخابرات السعودية كي تبدا بالصفحة الثانية من اعلان الحرب على قطر
شلون تاليها وياهم الله مايخلصنه منهم العاني والراوي والجميلي والجبوري
ولكم بعد اكثر من تدمير مناطقكم وتهديمها ماتستحون الشيعة هي اللي سترت عوراتكم
انتخيتو بالشيشاني والافغاني من كبر لفكم
-
والله يا أخ تيل المشكلة ما بالناس السنة أو غير السنة المشكلة بالسياسيين وأنا ألف مرة ذكرتها ... والله كما ذكرت عن جند صدام في مشاركتك كلامك صحيح , نعرف , الناس ما بيدها شيء
يعني هسه أكثر الناس في الموصل ما تريد أل النجيفي يرجعون ....
نعم داعش تغلل وخلي نكون واقعيين والله تغلل في نفوس معظم الشباب العطال بطال عن طريق الجوامع وغير الجوامع
أنا من الناس كل يوم كنت أخاف أحد من أولادي ينخرط معهم كنت كل النهار أشتم بالدواعش وألعن والحمد لله سلمت وهناك من قام بتزويج أبنه وبعده صغير حتى لا يذهب لهؤلاء المجرمين لكن بنفس الوقت وخلي نوضحها : هو يا هو الراح وياهم ؟ بس المشلتة من خريجي السجون ومن هل الدايحيين على مود يكشخ ويخليله مسدس تحت أبطه هم هذولي خما أولاد الشرفاء والله الناس الشرفاء تكرههم كره الموت لكن الناس ماذا تفعل ذولي مجرمين وأنت بيتك بنصهم جيرانك يجوز معاهم ... الناس تخاف والله بالعام 2015 وعند المكان مال التسفير ( مكتب داعش للسفر ) في المجوعة للذهاب لبغداد شفت سره والناس واحد فوق اللاخ وكانوا ما يخلونك تسافر ألا تعطيهم سند البيت ( هذا شغلهم ) ما تخلص , ما أدري أشلون ما تحملت وكانت الدنيا رمضان فصحت لويش السند والمدة شهر منو يقول المعاملة تخلص والله الناس الواقفة كلها شردت بعدين فوتوني جوه كالوا ليش حجي فشلون أخلص نفسي قلت يابه معاملتي بيها غلط ولازم أروح أصحح وما يكفيني شهر بعدين رجع قال 40 يوم المهم استغرقت اكثر فتصور الناس بهاي ما تكدر تدافع عن نفسها ... عمي خنازير ذولي بكل معنى كلمة خنزير ...
أما ما قاله سليم أو غير سليم لا يشكل أهمية لكن هذه معروفة قال سليم أو لم يقل مال داعش ينتهي بتحرير الموصل الجواب (لا ) لكن انقصم ظهرهم وبقت الحويجة وتلعفر.. أنا ذاك اليوم في هذا الرمضان أتدري كم يبعد الدواعش عن الشارع المؤدي للقيارة من جهة (الحويجة )هاوناتهم تصل الشارع والسائق قال في الليل لا يستطيع أحد المرور في هذا الشارع بعدها الجزيرة مملوءة نفس مكاناتهم التي كانوا يتدربون بها قبل دخول الموصل وألا شلون قبل أربعة أيام سووا محاولة ( تعرض ) على الحضر؟ لكن فشلت
بصراحة شغلت الموصل طولت كثير على الله
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
|