حتى يقولون عنك خوش مدير اتحط الحركة بالناس الفقرا وتعوف الهوامير .... وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ (صدق الله العلي العظيم ) حجاية بالجلفي للمدراء والوزراء
بكل البلدان المدراء والدوائر تسعى لارضاء مواطنيها الا بالعراق الموظف يهفي عليه التبريد والمواطن بالحر واكف سرة من فتحة زغيرة واغلب البلدان عند مايبدلون المدير يجي الجديد وشايل هم الناس ويخفف الروتين الا بالعراق مدير المرور من يستبدل يحط الحركة عل الفقراء عبالك الشعب خدم عند الخلفه لو مدير الشرطة يعوف الحرامية وحاط دوبه ودوب اهل البسطيات يومية ومفلش رزقهم على روسسهم ونفس الشي مدير الطابو والماي والمجاري والكهرباء والصحة وحتى مدير الكاري والبهارات هم يشرع قوانيين ضد العطارين ويترك اهل المخدرات والحشيشة يعني انت بدل ماتفك الشوارع وتخفف الازحام تروح تحط سيطرات وعليمن على ابو السايبا والستوتة وعايف المصفحات والمدرعات اللي بلايا ارقام يعني انظل احنه العراقيين مصكعة ولحد يمته مو كاف عاد ياوزراء ويامدراء يعني ماكافي هجو ملايين تردون تتهججون البقية وللحديث بقية