والله من شدة المرارة والخبر المنقول المؤلم حقا هل هذا هو العدل والإنصاف لماذا لا تقلص رواتب البرلمانيين وما شاء الله حدث ولا حرج !! يرجعون هل المرة على المتقاعدين المساكين لا والله ما أحد يقبلها
صدام لو ما الحصار ما كدر على الناس وخلاهم ناس تدوس بطن ناس وعيشة مرة ومؤلمة ما تنسي وأبو العائلة كان يكد من الصبح للمغرب يالله يسد عيشة عياله يوم بيوم وينام وينطرح مثل البهيمة ولا يحس من شدة التعب ولا يفكر لا بغاد ولا بجاي بس بعيشته فقط , وكانت الناس تخاف من ظلمه ومن الكلاب السائبة مالته الرفاق النجسين اللي بكل فرع مسوين مقر وهياهي وهلايات ... ما صدكنا نحلص .. رضينا حتى أمريكا غزنت بلدنا ونعرف عدو ومحتل لكن ردنا الخلاص بأي طريقة والله ترفهنا خاصة نحن شريحة الموظفين بعد السقوط وأنهيار النظام وروحه بلا رجعه ...كيفنا والله كيفنا .. صار الراتب يعيش كان يكول ( خلي الموظف يعمل لو بالطين ) أنا سمعت هذا الكلام أشلون يداوم ويعمل عامل طين ؟ لازم ما يداوم لأنه صاحب العمل يريد عامل يحضر من الفجر حتى المغرب فكيف الموظف يعمل كما يفكر ذاك الرجال !!
زين هسه لي نكصت الرواتب أيضا المتقاعد راح يدور على عمل بالطين ويجوز بذاك الزمن كان على حيله ويكدر يعمل هل الآن وهو شايب راح يكدر يشتغل ؟
الآن العبادي أيضا يريد يظلم ويرجعها على عهد صديم هم حصار ...
أشو أحنا بالموصل والله هاي من تحرير منطقتنا بتاريخ شهر 11 \ 2016 فقط مرتين استلمنا وجبة مواد ( طحين +رز + زيت ) هذا هو ... ولو نقارنها مع اسعار ذاك الزمن كانت المواد رخيصة برميل النفط كان بألفين دينار الآن 100 ألف وفوق وبالشتاء يوصل 200 ألف , قنينة الغاز كانت بربع (250دينار) الآن سبعة ألاف أو أكثر , أمبير أبو المولدة كان ألفين الان عشرة وأكثر , كيس الطحين كان بألف دينار أو أقل الآن بثلاثين وبعشرين ولايوجد سعر محدد ....فلو نحسب الراتب المريض مال قبل وأسعار المواد والوجبة التي تضم عشرة 6- 7 مواد مع الحال الحاضر وأسعار اليوم سنجد أيضا فرق كبير لو فعلا تنزل الرواتب أيضا راح تصير مجاعة يعني راح يصير ظلم صدام لو نزل رواتب المتقاعدين العبادي حسب قراره الجديد فنريد نقارن ,,,,,,