خوية استاد وجيه ترى مو بس انت وجيه كلتنا وجهاء بس كاعدين بالبيوت ومانطلع بالتلفزيون هسة انت اسلوبك حلو وتقديمك وطريقة طرح المواضيع بس نوبات تشطح مع الاسف هسة احنه شعلينه بسالفة 11 سبتمبر وقد اكل عليها الدهر 16 سنة مرت اللي نولدت بوكتها هسة تزوجت ويجوز خلفت خلينه بطركاعتنه احنه هاي انت يوميه ومعترضين عليك ماظلت قناة ماشتركت بيها ليش زمن الديمقراطية عود خوية الف رحمة لوالديك عوف امريكا وربعها هنوب تحليلك مو منطقي شنو الطيارة بجمها ازرق مو احمر وحجمها بكة مو جمل تذكرني بوالدتي الله يرحمها من جان مؤيد البدري يطلع بنات يلعبن جمناستك تقول لالالا هذن مو بشر لعابات ونظل نحجي وياها شكد حتى تقتنع خوي استاد وجيه ترى من اول يوم من التفجير مال الابراج طلعت تقارير واحصائيات ان العمل بفعل فاعل وحتى اليهود بيومها مامداومين هسة القنابل شلون ذابت الطبقات على كولتك مو الطوابق لان كلها كزاز ونايلون وحاسبات وكهرباء شلون ماتموع الطيارة نصها بنزين وحديد ياكونكريت يابطيخ بن لاذن سماها غزوة واحنا سميناعا عصف مأكول بوكتها قبل لاوجيه يسوي برنامج كلام وجيه على كيفك ويانه ترى الوكت مهم للناس لاتجيب وتصفط اختار موضوع بيه خير الله يخليك ترى منا طاكه ارواحنه وشرجي ومنا برامج كلها فلسفه شنو انت مله مله مال منبر شما يحجي لازم انصدكه صايرين انتم هيج واحدكم يكظ التلفزيون ومتعجب مثل اصديم يومية جان يلعلع محد يفتهم منه شي خوية خلي برنامجك قصير مو استنساخ بالشرقية وبدجله وهنا بغداد وهنا الموصل كلها نفس الاسلوب ونفس الطريقة هنوب انتم خلصتو سوالفنه ورحتو عل الابراج من الله يطيح كل الابراج شعلينه مو ملينه كل بكة هالكبرها على كولة الحجية