هل يوجد تعويض لخسائر الناس في الموصل من بيوت وما شابه نتيجة أضرار الحرب أم مجرد تخدير أعصاب ؟
عمنا يا أبراهيم الجعفري تعلن تنطي نفط للأردن بلاش أو بسعر رمزي هي الأردن بيش فادتنا أو بيش راح تفيدنا زين هاي الناس محد أبالها أقلا أدرسوا الموضوع بجدية وتعويض ما يمكن تعويضه لمن كانت اضرارهم فادحة وإلا شلون راح ترجعوهم وبمكان ما تصرفون عل المخيمات وهذا يبوك وذاك بيوك من حصة النازحين خلي شركات أجنبية ( ما عربية ) ولا عراقي ما يطب بيها لا عضو ولا مدير لأن سمعة العراقيين بالتخيس فاقت كل الأرقام ولا تقارن وخلي الشركات تعمل وفق جدول زمني ولا تعطون لفلان أو تخولون فلان عضو مجلس المحافظة أو فلان الوزير .... المعاملات صارت بمحكمة التعويضات لا تعد ولا تحصى أكوام والتالي حبر على ورق لحد الآن ما عوضوا بشر ولا توجد لجنة أصلا وناس تكول 600 مليون لكل عائلة والله عمي حتى ربع دينار هم ماكو ......والمعاملة تستغرق سبعة شهور وستة شهور الآن لأنه يعطونك كتابين واحد لمحافحة الإرهاب والثاني للأمن الوطني وكل واحد منهم يقول لك راجع المحكمة بعد شهر ويا شهر ويا شهرين خمسة شهور ويجوز أكثر حتى يتأكد أنت (ألك صلة بالإرهاب لو لا) وكل الذي يسويه مجرد يدخل اسمك بالحاسبة ويشوف عليك أشارة أو لا وهاي تطول ( 5 شهور ) ويجوز تضيع لأنه لا وصل عندك بالمعاملة ولا يعطونك أي شيء و 99 % راح تضيع وتسأل من تطالب من ؟ لأنه هوسه وخبصة والناس تكول 600 مليون لا 600 مليون خاشوكة مال طين أحسن!! ..... هذا هو العراق ... هسه فقط لو ينجزون المعاملات لأنه الناس رايحة جاية وما تخلص لا بشهر ولا بشهرين خلي فقط بس يكملون المعاملة حتى واحد يكول سويت معاملة ..... خمسة أشهر أبو الأمن الوطني شدعوى يابه ؟ وأسمع أكول أسمع ناس بفلوس تسويها بفترة أقل عن طريق محامي أو ما شابه ؟؟ وذبحنا هذا الماشابه !!! هو أنت ماخذ شيء أو موعود بشيء حتى تنطي ؟ عجيب على هذا البلد الذي لا توجد طريقة حتى تمشيه عدل