يضحكون عل العالم .. انتخابات يريدون إجباري ؟

[محمد الربيعى]

يضحكون عل العالم .. انتخابات يريدون إجباري ؟
ما افتهمنا من هنا يقولون لا تروج للمواطن أي معاملة إذا لم يكن عنده بطاقة إنتخابية ومن الجهة الأخرى الناس سرى بباب المدرسة ( مركز انتخابي ) وما يمشون غير 60 واحد باليوم ... وأعداد الناس كثيرة مصدقة ( ما تروج لهم أي معاملة لاحقا إذا لم يكن لديهم بطاقة الإنتخاب ) ولولا ذلك ما وصل أحد أي مركز انتخابي
وخوش مركه وخوش ديك
متى يكون عندكم شغلة عدلة بس لو أعرف ؟
يعني كل هذا النهار الطويل ( بس ستين واحد ؟ ) إذن متى تخلص أعداد الناس ؟ والفترة محددة شهرين - شهر ونصف ما أكثر ؟؟
اقسم بالله العظيم في أخر سنة انتخابية لصدام قلت للموظف ( اليست ديمقراطية وأنتخابات شريفة يعني يصير واحد ما ينتخب ويكتب لا ) قال :: أي يصير ... أنا أيضا دعكت الورقة وجعلتها صغيرة وما أن حاولت أدخالها في شق الصندوق .. رأسا قفز وباوع بيها وباوع بوجهي وهم زين طلعت نعم .....

[تيل كهرباء]

وخوش مركه وخوش ديك
متى يكون عندكم شغلة عدلة بس لو أعرف ؟

اقسم بالله العظيم في أخر سنة انتخابية لصدام قلت للموظف ( اليست ديمقراطية وأنتخابات شريفة يعني يصير واحد ما ينتخب ويكتب لا ) قال :: أي يصير ... أنا أيضا دعكت الورقة وجعلتها صغيرة وما أن حاولت أدخالها في شق الصندوق .. رأسا قفز وباوع بيها وباوع بوجهي وهم زين طلعت نعم .....

ذكرتني بانتخابات صدام صار العصر ومارحت دك الباب مانه رفيق بالمنطقة قال ابو سلام ليش مايروح ينتخب كلوله بالبيت هسة يروح كال يجي وياي وصدك اخذت ابني سلام ورحت ردكت اكتب لا وكف فوك راسي ماكدرت احوس ههههه