مكالمة مسربة بين خميس الخنجر وابنة الطاغية (رغد صدام)

[تيل كهرباء]

الو
هلا ام علي شلونكم
رغد الحمد لله انت اخبارك الحمد لله على سلامتك بشرني عن حواراتك
الخنجر الامور زينة والويلاد مرتبين كلشي
رغد اهم شي ان تلتقي بالحلفي لان الحزب الشيوعي عنده تفاهمات وياي من اجو لعمان اخر مرة
الخنجر همه خابروني ورتبولي لقاء وي الصدر
رغد انا كلفت ابو مروة وظافر يتحركون على العيساوي لان بيده القرار
الخنجر قبل يومين حاجاني صلاح العبيدي ووعدته باللي كلتيلي عليه بالبداية سووة روحه مايقبل بس بالحجي ماله عرفت يريد حصة لوحده
رغد اذا تكدر اطلع للدوحة من تكمل لان ربعنه رتبو كل الشغلات اللي تحتاجها وشيخة موزة راح تزورني لعمان
الخنجر احنه اهم شي نبعد المالكي ووعدونه ينطونه منصبين سيادي و4 وزارات والموانيء راح نستلمها نجيبلهم شركة من جماعتنا
رغد المهم انت بالاعلام ابتعد لاتطلع هواية ابوي ابوي
الخنجر بس ربعنه يخربون بالتصريحات بلكي تحاجيهم هسة الصدر صار بيدينه ونطانه عهد يقضي على التحالف
رغد انه بنت ابو عدي وراح تشوف الا اؤدبهم اللي عدمو ابوي اخليهم خرفان يومية نذبح واحد منهم انعل ابو ديمقراطيتهم
الخنجر اتصلت على شيوخ عشاير بالجنوب وراح اعزمهم واخذ منهم كلام يدعمونه بمناطقهم
رغد اي خطوة جيدة الوالد الله يرحمه كان يحرك العشاير وكان روكان هو مسؤول عليهم مخليهم جداحه بيده متى منايريد يشعل جكارتو بيهم
الخنجر وجاي احرك جماعة الحلفي بساحة التحرير يهتفون ضد ايران بس هاليومين اكو حجي من الصدر متردد وصلوني الويلاد حجي من يمه
رغد حاول تكسب الاكراد احجي وياهم وطمنهم وانطيهم شنو يردون المهم شكلو وزارة انتم خلو الصدر اسم بس
الخنجر الا اخذ بثار ابوعدي الله يرحمو اللي عدموه ويصيحون مقتدى هذا هو بيدي صار خل يروح يلعب محيبس السياسة لاهلها وربعوو خليهم يفرهدون بالسدة والمنصور انه ام علي وبيتك بالدورة يرجع اتطمني
رغد تسلم يالغالي الوفي ماتقصر ثقتي بيك توكل الف سلامة سلم على الجماعة
الخنجر الله وياك بنت الغالي

[أبو منتظر]

هذا الحجي المعتبر والحلو السيد الحائري (دام ظله) كان ماقابل بالتحالف مع الشيوعيين ، وصلاح العبيدي من زمان عندي عليه علامات وليس علامة استفاهم وحده بس الخبر منين هذا اكو رابط لو منين وين لكيته تيل اذا ممكن الرابط حتى الزائرين والأعضاء يطلعون على المكالمة المسربة دمت يالغالي

[تيل كهرباء]

ان "التيار الصدري معروف معاداته لدول فاعلة وقوية في الساحة العراقية ولديها القدرة على قلب المعادلات فيه، فكيف لنا ان نتخيل شكل سياسة العراق الخارجية في ظل هذا توجه، فهل نتوقع منهم أن يتعاونوا مع مثل هذه الحكومة؟ سيما وان التيار الصدري أسس منذ 2003 وحتى الآن 3 تنظيمات مسلحة، ‏غير أسماءها ومهامها حسب الضرورة".

[تيل كهرباء]

اكد الوزير الاسبق والقاضي وائل عبد اللطيف ،اليوم الاربعاء، ان محادثة خميس الخنجر لابنة رئيس النظام السابق رغد صدام حسين جريمة واساءة للدولة العراقية.



وقال عبد اللطيف في حديث لـ(وطن نيوز) ان " على الحكومة العراقية متابعة هذه المحادثات والتأكد من صحتها وفي حال ثبوتها بالأدلة يجب اتخاذ الاجراءات القانونية بحق خميس الخنجر باعتباره جريمة تقع ضمن قانون العقوبات العراقي".



واضاف ان " هذا الفعل في حال ثبوته يعتبر تدخل بالشأن الداخلي للعراق ويسيئ الى ادارة الدولة ويعكس نموذج من نماذج التآمر على البلاد".



يشر الى ان مواقع التواصل الاجتماعي تداولت انباء عن وجود محادثات سرية تجميع بين رئيس تحالف القرار خميس الخنجر وابنة رئيس النظام السابق رغد صدام حسين بشان التحالفات والاوضاع السياسية في العراق.