اليوم ساعة اربع العصر اتجمعو الناس يم باب محافظة البصرة بمنطقة الساعي وصارت كولبة هوسات ورفسات وعنتريات طبعا اكو ناس جاية فعلا تتظاهر ضد الفساد ضد الحرامية ضد تردي الخدمات ضد التقصير اللي حصل واكو شباب دون ال18 راكبين الموج وحلو ان يندمجون ويعبرون عن هموم اهلهم وناسهم وجيرانهم اكو واحد اسمه ابو تحسين سجين سياسي وطاكة روحه من الوضع ودايما يقول احنه انظلمنه وتحملنا السجن والتعذيب لان جان اكو ظالم وهسة نفسه الظلم جاي نعاني منه ولازم نعبر عن تضامنه وجان اخوه ابو مجتبى وياه بالتظاهرة طبعا هذا الكلام نقله ابو تحسين لصاحبة من رجع يقله اشو اخوي انفعل وظل يصيح الله يقبل اخوي ياخذ راتب سجين وراتب موظف وانه عطال بطال يقول ابو تحسين فزيت شنو هذا يحجي هنوب يؤشر علي كدام الزعاطيط اللي جاي يتظاهرون ويدري اخوي ابو مجتبى هو حالته احسن من حالتي عنده بيت طابقين وسيارتين وحده سيراتو والثانية عند ابنه مجتبى كيا حديثة يشتغل بيها وانه كاعد حواسم تجاوز وبيتي بسيط كتله خوية ابو مجتبى انت جاي تتظاهر على الحكومة لو على اخوك ليش ماتحب الخير لغيرك انت اطلب حقوقك وعوف الناس اللي يوم واحد بالسجن يعال اربعين سنة وشفت بعينك شلون عايلتي اكلها الظيم وكلكم عفتوها تخافون توصلون للباب مال بيتي لان مراقب خوية حقوقك اطلبها ولاتكطع رزقك غيرك وسبيتهم كتله انعل ابوز اللي يتظاهر وياكم ياسفلة شعب اللي مايحترم تاريخ شهداؤه وسجناؤه لاخير الله بيه لحد الان ابناء سجناء هتلة وجاوجسكو وكل فراعنة العالم محترمون ويعيشون حياة كريمة احنه كظينه نص عمرنه بزنزانات حمر ورطبة هاي تاليها تتظاهرون علينه واحنه نواة التغيير واجينه وياكم صوته وياكم ليش هيج خوية حاقدين ومخربطين ماتعرفون تاخذون حقوقكم عفتهم ورجعت لبيتي ودزيت مسجات لربعي السجناء كتلهم الجماعة ثورتهم ضدنه تحزمو زين ولاتخلون ولدكم يطلعون لان هاي زعاطيط كلشي ماتفتهم