قانون البنى التحتية ..أبو اسراء هل سيذكرك الاغبياء؟

[مروان]

قانون البنى التحتية مشروع كبير لبناء العراق من جديد وفتح الباب للشركات لاعمار العراق اقترحه السيد نوري المالكي ايام رئاسته للوزراء ..
المشروع باختصار يتضمن

مشروع القانون يوزِّع مبلغ (37) مليار دولار على القطاعات الخدمية بشكل متفاوت حيث خصص لمشاريع التربية خمسة مليارات دولار ومشاريع التعليم العالي ملياري دولار ومشاريع النقل لإنشاء الموانئ والسكك الحديدية عشرة مليارات دولار, ومشاريع الزراعة والري لإنشاء السدود واستصلاح الأراضي خمسة مليارات دولار.

ويخصص مشروع القانون أيضا مليار ونصف المليار لمراكز الحدود ونصف مليار لمشاريع الشباب والرياضة ومثلها لمشاريع الثقافة ومليار دولار لبناء المعسكرات وخمسة مليارات لبناء مساكن وثلاثة مليارات ونصف للطرق الخارجية ومشاريع الصحة ثلاثة مليارات دولار.

ه

هذا المشروع الضخم المتكامل كان سيهدم الهوة بين العراق والدول المتقدمة ويضع العراق بعد خمس سنوات من تحقيقه في مصاف الدول الكبرى ...ولكن

المعترض على القانون هم كتلة الاحرار (مقتدى) و (جماعة عمار) , ومسعود برزاني ..

صوت المعترضون على رفض القرار والسبب باختصار انه سيكسب المالكي شعبية واسعة تؤهله لدورة اخرى ..

وانتهى المشروع بتآمر المتآمرين ..


اليوم العراق لايزال يرواح بل عاد سنين الى الوراء بتخلفه عن كل بناء واعمار وبنى تحتية...
ولازالت مشاكل الكهرباء والماء والمجاري تعصف به الى مستقبل مظلم.
مقتدى وعمار ومسعود اعداء الشعب ..


هل ستتذكر الجماهير هذا المشروع ويتذكرون المتآمرين عليه ....؟؟؟؟

[Mino1]

هههههههه والله خبصتنا بالمالكي لخاطر الحسين, ليسمعك يكول المالكي جيفارا, مو امس طلع وزير النقل الاسبق على قناة العهد برنامج الجمهورية السادسة وحجه كل القصة مالت قضية التعويضات الكويتية المشؤمة و اعلان افلاس شركة الخطوط الجوية العراقية, وشفنا الخربطة واللعبان النفس, صح الاحزاب الكردية والعربية تأمرت بس المالكي كلشي ما سوه,عين لجنه من شخصين الشهرستاني وشخص اخر علمود تبت بها الموضوع لايجاد حل لموضوع التعويضات الكويتيةواتفقوا على عدم اعلان افلاس الخطوط الجويه العراقية وبعدها في جلسه رئاسة الوزراء فجأة تم اعلان افلاس الخطوط الجوية العراقية والتصويت على ذلك فاعترض الوزير قبل التصويت فسأل المالكي مستشاره فقال له المستشار ما عليك بكلامه صوت وبدا التصويت سؤالي لحضرتك غير يكعد ابو اسراء ويه الوزير ويسأله ويسأل اللجنه المختصه لكن استعجل ولم يبالي المهم يكول الوزير بعدها سألت المستشار ليش هيجي كلت كلي لا تعتب على اني مضغوط علي , المهم تم الاعلان عن افلاس الشركة والشركة كانت في السنتين الاخيرات محققة ارباح جيدة, هههههه شنو هالمهزله ابواسراء شلون مجلس الوزراء مالته يصوت على هيجي شي وبعده ما دارس القضية عدل.
وحضرتك بس تحمد بيه صح مقتدى وعمار كانوا ضد كلشي ووياهم الاكراد والعرب السنه بس هو كان عنده اغلبيه و من يريد يسوي شغلة براسه يكدر يتحداهم وشفنه من ضرب جماعة مقتدى بصولة الفرسان بالبصرة وقطع الفلوس عن الاكراد, يعني يكدر صح لو لا, وشدعوه جماعته بيهم هوايه حراميه و فاسدين وليش مخلي مستشار مضغوط عليه ويسأله, هسه اذا مجبور يخليه علمود المحاصصة الطائفية , ليش يسأله يجيبله واحد خوش ادمي ودارس واكاديمي ويثق بيه ويسأله.
انت حضرتك بس شغلتك تحمد بالمالكي, شدعوه يعني شنو ما عنده عيوب, المفروض هو اذا يشوف وزير او مسؤول يشتغل زين ايدعمه مو كله هيته.

[مروان]

لايوجد احد ليس عنده اخطاء ,
ولكن قانون البنى التحتية مثال يبين ان الاطراف كانت تتآمر على عدم تحقيق اي مكاسب,
ومثلها الميزانية التي لم يصوت عليها رئيس البرلمان تعمدا لاعاقة الحكومة وغيرها ..
الاطراف كلها كانت ضده وعندما تسوء الامور كان يلقون باللوم عليه ولازالوا ...