والله مسألة المذهب ما أيدك بيها أبد لأنه أنا من الواقع أكو ناس جهلاء نعم في كل مكان
والله الغالبية لا تفكر بهذه النقطة لكن الإهمال .
أنا من الناس أقولها بسبب تاخر معاملتي مالت التقاعد ( هم ما أكول سنة وشيعة عيب هذه العقلية ) لكن أكول عدالة ما أكو , لمحافظة يعطون ولأخرى لا يعطون
وخصوصا الموصل والله بوقت صدام الموصل أيضا ما كانت مثل صلاح الدين التي هي أغلب أهلها سنة ما مسألة مذهب ألان أبو صلاح الدين والرمادي شما يريدون يعطونهم ما مثل أبو الموصل
خلي أنكولها هكذا ( حايط أنصيص ) ويستمر عليه الظلم ... لا مسألة شيعة ولا سنة وأصلا والله هذه المسألة محد يفكر بيها ما عليك من كم واحد من أئمة الجوامع بوقت داعش الآن منبوذين ... لكن أسباب كثيرة أولها ذكرتها وقلت السجون ( ما إرهابي وساجنينه ) هذه ما تصير من أول يوم يومين عشرة أيام أعرف ما عنده شي أطلعه ليش تبقيه 7 شهر وسنة ويمكن أزيد هذه ما عدالة أبد والناس متعاونة وفرحانة بالخلاص من داعش
ويجوز النجيفي يبالغ لأنه من وجهة نظري الأمن عال العال ماكو خلل ذوله المطلوبين هو دمه رايح رايح فما يسلم نفسه ويحاول يخرب ويعيد نفس العقلية .
أو السبب الرئيس من سوريا لازال الخطر قائم ومن كردستان أيضا ( النقطة وضحتها ) ...
أخي تكول سعودية ما أختلف معاك لكن لو أنت بناؤك صحيح وتعمل بالصحيح والله لا تخاف أحد ( حاشاكم , كلاب تعوي ) ما أحد يسمع لهم مشكلتنا السياسيين أولها وتاليها هذا السبب الأولي وروح شوف حكومة عبد المهدي وين راح تودي العراق ( رجل ضعيف ما يكدر ) ونرجع نكول بسبب المحاصصة هذه متضمنة في النقطة 8 التي قلت عنها غامضة لا ما غامضة (واضحة جدا )
لو ما قلبي مألوم ما أجي وبهذه الحماسة انسجنت ظلم 47 يوم والحمد لله طلعت وبرأس مرفوع لكن ما أكره العراق ولا أحقد وابقى أتعاون مع كل شريف من أجل بلدي