قصيدة ( مدلي جفك ) للشاعر المرحوم خنجر خصاف الشامي

اخر قصيدة كتبها الشاعر الرائد المرحوم خنجر خصاف الشامي
====================================
من العمارة قبل ان يرحل .. وكأنه يودع الدنيا ويلوح بكف الفراق
====================================

***

مدلي جفك..

دارت الظلمة على عيوني غفل

وحناني صبحك

مد لي جفك..

وامسح دموع الحزن

خليني اضحك

يا لكلامك طيب وبكل خطوة طيبة

ارد اشمك شم المفارك حبيبه

آنه شطوطك غسلت اذنوبي كلها

برت وجروحي تضحك..

مد لي جفك

حتى اطراف الاصابع..

كلبي نافورة غضب فيض الشوارع

يا حلم صبري.. مثل صبر الشواطي..

اشما يمر بيها العطش

تانت المدة

يا حنيني لشوفتك وجروحي صارت

جبل ماي وما كدر واحد يشده

وانت تدري

السيف ينفع حتى لو ينثلم وحده

وآنه طير وتهت

من سراب الطيور الطايرة

خلنه وحده..

آنه فلاح الزرع عمره حدايق..

ومالكه ابستانه وردة..

آنه ذاك العاش غربة..

ونام متوسد رصيف الشارع

وسواه مخدة

ونام متوسد رصيف الشارع

وسواه مخدة
==================
==================