مامرخوص

[align=center]مامرخوص
**********[/align][/COLOR]
[align=center]سلّمناك راي وگمت تحچي ابزود **** لمّيت التريده وشو گمتلي أتحوص
تاخذ رادتي وتساوم البد ذات ******** وآنه الأنتخبتك بالأسم مخصوص
مامرخوص
موگلتآنه خادمكم على التردوه ****** وانت أول أمس نستاهدك مگروص
واحنه امننتخبنه وگلنه كلنه اوياك ***** مومعناها إخذنه براحتك مرخوص
مامرخوص
ولامعناها فلته وماكو منّك دوم ***** بس من كل زرع نستخيّر العرنوص
مامرخوص
شـنهو الخلّه رايك تلم هاي الناس ***** تنطيها لواحد ما بگتله اخروص
موهذا أمس شن حمله ضدي اهناه *** سـواني مشاكس دبعني وخلبوص
ليش آنه مشاكس يا قليل الشوف * وانت أصيار امس بالساحه چنّك صوص
تحاول تلغي دوري وچني ماموجود*وانت ادرا بأساسي بديرتي المرصوص
ياگرنوص
بس آنه أنصحك لاتزامط دوم ***** عندك تافهات وصنگرك من خوص
آنه العلّمت عـنّك المايدرون ****** چنت انت رچیچ وسبّگك مگصوص
وآنه السمّعت صوتك لكل الناس ******* خليتك تطير براحتك گرنوص
وآنه منرداعاند والزم المگوار **** أحط ابهامتك عالأقل سبع افصوص
ياگرنوص[/align][align=center] ابوماجد الزيادي
2010 / حزيران/ 3 [/align]COLOR="Navy"][/SIZE]

[align=center]سلمت كلمات في محلها
تحياتي[/align]

[align=center][/align]شكراً جزيلاً اخي حسين خليل على مرورك الكريم