آنا عايد وأنت عايد (شعر شعبي)

(آنا عايد..وأنت عايد) 28\3\95
(شعر شعبي)

أناعايد وأنت عايد .............وأنتوإشهدوالهالسواعد
من تشمرعن قواها.............ومن تشد بعزم كاصد
ومن تنادي يلة حيهم ...........ومن توافي ومن تواعد
تكول نصبح أيد وحدة..........التنتصرعل هالشدايد
وخل أضحيلك ياأخوية ........أناجندي وأنت قايد
ندخل لبغداد كلنا................بصوت عالي وهدف واحد
نسحق لبعث العمالة............العاث بالديرة فسايد
وأرد أعاهدها لبلادي ..........وأناأوافي من أعاهد
وهذاعهدي إلبيه أنادي .........أناعايد وأنت عايد
--------------
أنت سني وأناشيعي............لكن الله ربناواحد
الدين يدعونالتلاوة.............ولوفتحناكتاب واحد
وبعد يأمرنة بصيامه...........ومن نصوم بشهرواحد
وبعد يأمرنابقيامه ..............ومن نصلي بصف واحد
ومن نحج لبيت الله.............حجنادايربيت واحد
كلشي واحد كلناواحد ..........وكلي شنهوموش واحد
----------
أناأكلك شنهوسايد..............جهل طاغي وعقل فاقد
وبعد أزيدك يبوخالد............وعي هابط جهل صاعد
هذي قصتناياأخوتي.............الندري بيهاوكلنا شاهد
-----------
إبن بصرتنابكلامة.............يكول كضني بعث حاقد
وإبن موصلنة بحديثُ .........يقول قلي أبقى قيعد
أنت كاعد ولة قيعد ............أنت ويحد ولة واحد
مايهمني الكول كلة.............بس يهمني خبرواحد
عراكك اللي جت تعرفة........جنة خضرة وخيرواجد
أهلة شيمة وكل شهامة........وعدها غيرة وكرم زايد
صارت نهيبية تنهب...........حتى جارالبيت شاهد
بالمزابل هي تبحث............عن طعام صارفاسد
وأحنا نعمة ومانبالي........... بلد رايح ولة رادد
مثل إبقارالزربية...............همهاتعلف علف واحد
واليهمني آناعايش .............وبعد للولفيرشاحد
وخل إبن تكريت يكتل.........كل أهلنابذبح حاصد
صرنا كلناجسد ميت ...........مايحس بهألمشاهد
هذي قصتنا ياأخوتي .........الندري بيهاوكلناشاهد
----------
لكن الله إلى حكمة ...........بهالمآسي من تعاود
وبعد كل شدة ومصيبة ........فرج آت ونصرعايد
ولوتصافت هالكلوب.........وعاهدتكم درب واحد
نصيح كلناصيحة وحدة........صبرماكوخلني أجاهد
خل أصيح بعالي صوتي ......وخلناأكتبها كصايد
خل أدافع خل أقاتل ...........خل أثورعلى السوايد
خلني أصبح نارتحرك........ظلم طاغي وبعث بايد
وخلني أوافي بلد هامد........وخل أحقق حلم باعد
ولوتحقق أرجع لأرض....... العراق البيه والد
وأناأوعدك ياأخوية ...........أناعايد وأنت عايد