كوم ياعباس , نزله

كوم يا عباس وينه لوانه ... عالخيم صارت تدور عدانه
ــــــــــــــــــــــــــــــــــــــــــــــــــ ــــــــــــــــــــــــــ

وين يا عباس يابن حيدره ... يابطل اختك وحيده محيره

عالمخيم خيل اميه دايره ... جره بينه يبن ابوي الماجره

هجمت الكوم على كل مخدره ... واليتامه انفجعت وعطشانه

عالخيم دارت حشود اهل الغدر ... وسب علي الكرار والزهره الشمر

خارجيه الكوم صاحولي شكثر ... شنهو منك يبو الحملات العذر

يبو الغيره وياي ما ضل كل صبر ... وسكنه صاحت عمي شوما جانه

كوم يبن الما سجد بس للاله ... وعلم الدنيه التشهد والصلاه

حق مليك الكون بالارض وسماه ... شيد الاسلام بالسيف وبناه

وكل ضلام اهل الدنه بعلمه جلاه ... كوم يبن البالعرش عنوانه

كوم خيل يزيد بحسينك تدوس ... كوم تفديك المدامع والنفوس

من الهواشم عالارض تدمي الرؤوس ... سيوف ورماح اعتنت لينه وفؤوس

الكون غابر عالطهر وجهه وعبوس ... ومطرت دموم السما وحزنانه

يا علي الكرار ردتك بالطفوف ... تحضر ابنك يا وصي وعينك تشوف

صارت اهل الباطل على اهل تحوف ... وضاعت علينه الرماح من السيوف

جيم يابويه والوف تجر الوف ... وضاع بالدم هالارض تربانه

رحيم الحسناوي