أنا عباس وفخرهه أنا عبـــــــــــــــاس (الشاعر عماد الحسني)

أنا عباس وفخرهه أنا عبـــــــــــــــاس
هاي الارجاس وطرهه هاي الارجاس
&&&&&&&&&&&&&&&&&&&&&

أنا وبساحة قتالي أثبت بهيبه وأصـــــــــــر
بيمنتي سيف العداله ما يرد لهم خـــــــــــبر
واضح وتعرفني هاي كل جيوش اهل الكفر
محد يگابلني منهم لو سمع بأسمي يفــــــــر
صوتي بالحق اعتلا
ثابت بطف كربــــلا
&&&&&&&&&&&&&&&&&&&&&&

فارس وبالحومه ازلزل كل حشود الغاشمه
راح ارد لهم وعيدن صولت الحامي الحمه
ومن اريد اهجم عليهم كلمن يذب صارمــه
راح عيشهم مذله اليوم يوم الحاسمــــــــــه
صاح راعي المر جلا
وانا تعرفني المـــــــلا
&&&&&&&&&&&&&&&&&&&&&&

اسمع بصوت الحرايم گامن يگولن بعــد
لأبد اوصل للشريعه الماي اجيبنــه ورد
وانا كافلهم واضحي وملتزم بيه العهــــد
التمت أجيوش إل أميه عالنهر وبلا عدد
رافض أحشود البلا
خدري منه يوصلا

&&&&&&&&&&&&&&&&&&&&&&


بعيني صابوني يخويه وتدري بأفعال الغـدر
عذرني ما كدر اشوفن وأدري بيك المنكسر
خلني اشمنك يخويه وأنت منهاج الصــــــبر
أنت يا زماني وفدوه لأجلك هل العمـــــــــــر


نكطعن اجفوفي وصحت
ما اطخ راسي وفـــــزت



&&&&&&&&&&&&&&&&&&&&&&


تخاطب حسين العقيله تگله غــــــــدار الزمن
خويه يا يبن أمي أرد سئلك وين حماي الضعن
من الهظم مكسور ظهرك كثرت عليك المحــن
جاوبها عالشريعه مغضب بدمه ويحــــــــــــن

نادى الحسين بهظم
حيلي يا خويه نهدم


(عماد الحسني)