(النصيحة)للشاعر حيدر الغريباوي

((النصحيه)) الشاعر حيدر الغريباوي
لاتحمد جبل ماينعرف ماضيه
ولاتحمل لغز ما تگدر اتفهمه
ولا تمشي ابدرب مزروع كله اورود
نوبات الورديكتل امن اتلزمه
هوه الماي واحد لو چنت عطشان
بس ماي البزل من تشرب اتذمه
نوبات انته إيه وماتهم الناس
ونوبات انته رگزه لحرفك اتهمه
.خل فاسك ثلچ كون الجبل من نار
يشبع بيك أكل بس لازم أتهدمه
واعزم لو ردت بس أبرجاحة عين
موشاتك لضيفك هيه التعزمه
عزف حد ما غفه راعي الشياه ونام
وللذيب انذبح والعزبّت غنمه
التراب الما تطخله لازم ايمر بيك
يتچيله الهوه ويوصلك اتشمه
وسلم لو ردت بس صفي نيتك عود
مو تحچي السلام وايدك اتغمه
&&&&&&&&&&&&&&&&&&&&&&&&&