نعيب على العالم ونحن بتالي الناس قيم الركاع من ديرة عفج
نعيب على العالم ونحن بتالي الناس قيم الركاع من ديرة عفج
عندما تشخص الأخطاء كأن يقال أن الخطأ الفلاني سببه كذا وأن المطلوب أو ما هو واقعي كذا لا تراه العين البصيرة بل العين العمياء يقال لك أنت عفلقي !!!
عمي ليس هكذا بناء العراق الوسطية يجب أن تمارس في كل شعب الحياة تعليم , طاقة , بناء , صحة , مشاريع جديدة , زراعة منذ 2003 لم نرى تحسنا في أي مجال , وكلما (نقوم ونقعد ) تحديات الإرهاب تحديات الإرهاب , والحمد لله الإرهاب أخيرا قضي عليه والذي ربما بعض أسبابه صنع أيدينا .. كانتشار الرشية والفساد والبرئ يتهم ويسجن والمجرم يخلى سبيله وسقطت مدن بسبب هذه الحالة ودفعنا خسائر باهظة جدا فقد ترك الجيش بعد انسحابه ( ولا نقول هزيمة أيضا عيب نقولها ) اقول ترك ترسانة من السلاح وأعتدة تكفي لمدة سبعة أشهر من القتال المستمر هذه تذهب هدرا وربما من خلال هذه الطريقة يتم حذف مئات السرقات ونقص الحسابات وصفقات الأسلحة وتصفير أثمانها وهذا عادي جدا , فقد كان معتادا في أربعينيات وثلاثنيات القرن الماضي فكيف لا يكون معتادا اليوم , على أية حال الذي يهمنا هو تحديات اليوم فعلى المرء في هذا البلد حتى لو كان يواجه مشكلة سابقة ومستمر على التواجه معها وإيجاد الحلول المناسبة لها عليه تركها عندما تظهر الجديدة فالحياة في صراع دائم وفي العراق خصوصا يبدو أن التحديات لا تنتهي ......
تحديات اليوم أمريكا موجودة في العراق ولا ندري هل الأميركان والأيرانيون يتناغمون أم صراع حقيقي ؟... لأنه كل منهما يريد إغراء العراق إلى جانبه ليرضيه كما العراق طفل بين شيخين .... فأين سيادتك يا عراق إذن واين صوتك وكلامك .... تقول أنك قضيت على الإرهاب والإرهاب نصفه بسواعدك قد صنع (سيما عندما يختلف أهل السياسة بسبب قرار وربما عشوائي ) بسبب ذنوبك قد صنع بسبب ظلمك قد صنع بسبب أنانيتك قد صنع
وكلمة الحق التي لا بد أن تقال لولا أن الله لم يكرمنا بمرجعية هادية مهداة لما انتصرنا على تلك الفلول
قبل يومين أو ثلاثة سمعت أن طائرات أميركية ضربت عددا من الشاحنات التي تنقل النفط ( صهاريج تناكر ) تهرب ولا أدري تنقل ( فزعة ) إلى إيران وترامب يقول ( نفط العراق لنا ) أي مال أبوه مال الخلفوه؟ ...... ترامب يبوك وعزيز الحكيم يبوك وحضيري يبوك والصدر جماعته هم تبوك ( نسمع سمع ) وكل من عنده حمايات ما نريد نكول ( ميلشيات ) يبوك حتى يعطيهم ويشبعهم والمواطن حقه سبع أسنين وماكو
ولكم أنتم دولة من لعنة على أبوكم لا أبو حظ الجابكم ( وهذه الكلمة الأخيرة أقسم برب العالمين قلتها امام واحد حديدي أول ما سقطت الموصل ب 2014 قال هيّّ : تسب دولة الإسلام وكام يملطخ بكلامه وكنا على وشك العركه لو ما أجا أبنه وكان أشوية أشرف من أبوه فكم من تقلبات وتقلبات صارت بهذا البلد والحافي يبقى حافي والمتعافي متعافي
فهل يجي يوم ويستقر هذا البلد ؟
https://i2.wp.com/azamil.com/wp-cont...60%2C330&ssl=1
قيم الرگاع من هاي اللحه
اتشوفه هيبه وعنده لحيه امسرحه
يشتم ابلا خجل وبلا مستحه
من ايحس المقعد اشويه اندحچ
قيم الرگاع من ديرة عفچ
برلمان اهل المحابس والمدس
عگب ماچانوا يدورون الفلس
هسه هم يرتشي وهم يختلس
ولو نقص من راتبه سنت انعقچ
قيم الرگاع من ديرة عفچ
اتشوف واحدهم امعگل بالوقار
وبالاصل تاريخه اسود كله عار
ابضر ثلث اسنين مليونير صار
ايريد عالوادم ايعبرله چلچ
قيم الرگاع من ديرة عفچ
گمت ما اعرف حماها امن الرجل
ياهو التكضه اهو ايمثل العدل
وگمنه نستورد الشلغم والفجل
لان كلها ضلت اتدور ودچ
قيم الرگاع من ديرة عفچ
والله ضيعنه الصدگ من الچذب
اتشوفه هيبه وحچيه المصفط عذب
ياخذك وايردك ابشرق وغرب
وبسچاچينه يدچك
حيل دچ
قيم الرگاع من يرة عفچ
حيل دوخني الحچي الماله ربط
وصار عندي سكر وحصبه وضغط
نفترش عاگول ونتغطه ابحسچ
قغŒم الرگاع من ديرة عفچ
گمت ما اميز الذيب امن الحمل
امنين ما التفت گلبي يشتعل
انه ما شايف شعب يتبع خبل
شاب راسي وتيهت كل السچچ
قيم الرگاع من ديرة عفچ
يا حكومتنه الرشيده ام الوقار
الفساد المالي عنوان الچ صار
ندري جابوكم ابدبابه وقطار
ليش ضليتوا سمچ ياكل سمچ
قيم الرگاع من ديرة عفچ
لازم انميز الزين امن الزلم
وننتخب كلمن شهم صاحب علم
ونرفض اللي يجي كل يوم ابفلم
من ايشوف المنصب اشويه اندرچ