العمر كاضي / كاظم اسماعيل كاطع

لعمر كاضي
الدنيا ما دام انتهت..
والعمر كاضي
منهو بينه بلا خطيئة
خَلْ يكوم اعلّه الملف
يكشف الماضي

خل يجي يسويله مره..
ايشوف بيتي إشراح وشظل
من غراضي
ناس صعدت ناس بعدت
وأنا بخيمتي وسوقي وعكاظي
وجان بامكاني أصير
لكن هموم العشيرة…
لا أنا راضي على شيخي
ولا عليَّه شيخي راضي
جان بإمكاني أصير
أملاك وقصور وأراضي
لكن أعرف هاي كلها
ماتساوي فركة إيد..
وراس محني ابّاب قاضي
لكن اعرف هاي كلها ماتساوي
نوم ليلة اعله المخده
بليَّه خوف وبال فاضي
هِيَّ مو بالسرعة تلَّم
ولو على السرعة يصير
أغنى شخص عدنه الرياضي
خلصت عمري بدولتي
لا أنا راضي اعله وضعي..
ولا عليَّه الوضع راضي

كاظم اسماعيل كاطع

تسلم على المشاركه الجميله لشاعر جميل مثل كاظم اسماعيل قاطع

محروك اعله بيتك باقي بس جدران --------------------جاهم زين هيكل واكف اتشوفه-------------------جاهوالعراق ابكبره ماضل بيــــــــه--------------------الحلواعله اسمــــــــــــهوباكو احروفه-----------------------------------------------------------------------------------------------------طيب الله انفاسك ياسيدي ياابوالجود والخلااص والله محلهااعاشت اياديك