چم اچفوف........ قصيدة للشاعر ابو حيدر اللامي
[align=center]چم اچفوف
قصيدة للشاعر ابو حيدر اللامي
دمرعد هل جفن يا صادق اوكوم
اوخل عينك تشوف اعراقنا اشصار
----
دمع ينزف دمه مو مي على الخد
غبت يلحيد كونك حاظر الدار
----
نبض اسمك يصدر ابكـل الكلوب
وتظل رمز العراق اشماجرى وصار
----
ويظل اسمك نجم ماينزل الكاع
يانجم الظحه وينشاف بنهار
----
نحطك بلصدر وبنص الكلوب
ونرسملك رسم ابكل بيت تذكار
----
يلجفنك لبسته ابكل صلاة اتصير
يبوجف الكريم وموش غدار
----
يصادق ليش شو نومك كثر ليش
يلسانك احد من سيفهم يلحيد بتار
----
شسولفلك يبو مؤمل على الناس
دمه انباعت وصارت بيد تجار
----
واذا نحجي ونعاتب شنهي الوجوه
نصير احنه الخيانه واحنه الاشرار
----
حسافه اهناك يم اعراق الحسين
تتبختر علينه اردود كفار
----
موش احسين مابايع يزيد وكله
هيهات عمت عين الوكت بايعتو فجار
----
جاليش الحلوك انخرست ابساع
غمه الليسلم وينسى الف ثار
----
وليكم منهو كلولي ترى ابظيم
حفنه اسنين تحجون احنه ثوار
----
بعتوه العراق ابزود لنذال
وخليتو العراق اليوم طشار
----
ترى الدنيا جسر واعبرها بلطيب
واذكر وكفتك شتكل للاطهار
----
اظن تندار دنيتكم ترى ابساع
وتعرفون الوكت دولاب دوار
----
احجوها ابكباحه وثوبكم هاذ
معروفه الحقيقه ومامش اسرار
----
واحفظ ماي وجهك لوبقى الماي
ماينفع حجي جاوين الاحرار
----
دكاكين العراق وصاير اهناك
كلها تبيع وادور على انصار
----
عراقيين ماننسى الدمه السالت على
الكاع ولا ننسى اليسلم الجان خطار
----
جاشنهي الجنيته ابيعت الدين
ذليل اتعيش والله بعين الزغار
----
اوصيكم وصيت اعراقي مهموم
عاش الظيم حفنه اسنين محتار
----
غمها الدنيا من اتخلي ابن بت
يروح ايزور بيته ابامر الاشرار
----
صرنه احنه الغرب ابذاك الوطن ذاك
الغريب ابن الوطن ونصير زوار
----
جم اجفوف طاحت يم الحسين
نسيتوها ونسيتو اشلون عمار
----
دشوفو اشلون كبر الظحه للدين
تجيه الناس من كل صوب زوار
----
سمعنه اللي يكول اني العراقي ومااطخ
راس جاشنهي المذله وشنهي الاعذار
----
واحك عينك زلم منساوم ابايه
موجلمت امجامل واجلمت اشعار
----
ظل ينجب عراقي ارجال للموت واذا
حجاج حكمانا ترى اهناك عراق الينجب ابكل يوم مختار
----
allami1959@yahoo.com
الشاعر ابو حيدر اللامي
هولندا
[/align]
http://www.mumehhidon.net/ibda3at/p-...bo7aider21.htm
