شكوة الـى الأمام المهدي (عج)...قصيدة للشاعر ابو حيدر اللامي
[align=center]شنهي صبرك
قصيدة للشاعر ابو حيدر اللامي
( شكوة الـى الأمام المهدي (عج) )
ونظل انصيح الف هيهات جرح البلسان
ايطيب لومرت عليه حفنت دهور
------
ونظل نرعى نجوم الليل يلغايب عليك
احنه بلچي انشوف ساعة نور
------
ونظل من نذكر الغيبه عليها الاف من
اسنين ترى اگلوب التحب اتفور
------
ونظل نتندم اعله الراح
تاليها القضيه اتبور
------
ونظل نشچي يماي العين بلچي
انته على الصارت قياده اتثور
------
مثل ماثاروا علينه وباگو البسمه
اليتيمه ومامش ابدن كل سرور
------
ومانگوم لاوحگ عصات موسى لاوحگ
صدر العراق لاوحگ دم النحور
------
لاتگلي الشعب ثار الشعب ثار لاچن
الموت ثورتة الچان يتمنى ظهور
------
سلاح مامش بيد اهلنه صور صارت
تالي ثورتنه اليتيمه وناس تتمنى فطور
------
احنه ملينه وجزعنه وصبر مامش
وانته يلمهدي صبور
------
شنهي صبرك يابعد عيني وبيابه ثور
علجاروا علينه گوم يحبيب دثور
------
اتحملينه الظيم والحسرات هاي اسنين
يحبيب صبرنه وبعد ماتحمل صدور
------
وهاي حفنه اسنين ظلينه ابوجعنه
وعلجروح احاه يلمهدي ندور
------
چم گلب شيعي تعذب وزاد من حزنه
اونينه وشاف ظيم ابهلعصور
------
ولوحچينه وگلنه باطل فسقونه
وگالو المخلص كفور
------
من زمان النصر بينه ومن زمان
المحنه خلصت احاه لومامش غرور
------
ايه يحادينه شنسولف عن مصايبنه الجثيره
لونسولف مانظن تگظي ابشهور
------
ايه يمهدينه شنسولف هاي وطباع اليحبك حسره يلبس
وحسره ياكل وحسره يرتاح ويه روحه فوگ كل هذا فخور
------
صارت المحنه سياحه صارت المحنه تجاره
وصارت المحنه قصور
------
ياحسافه والف ياوسفه وندامه وصلو
الرادوه همه واحنه يلغايب جسور
------
احنه شفنه الچان حافي ومايعرف الچلمه شنهي
من تصده وصار قائد بيده شارات العبور
------
همه مو همه القظيه همه هوه شلون يركب شنهو
يلبس شنهو يبني وشنهو ديكور وزهور
------
صدگ تذ بحمن يمهدي الضحه بهله الضحه بمواله
وحياته وتبع دينه وماتبع دنيا وظهور
------
تدري منهو القائد النه القائد الظل ينزف الدم
القائد الما يهده باله القائد العنده شعور
------
وزين تعرفه يغايب شيمت القاده تعلم
قاعدتها شلون علظالم تثور
------
وهاي شيمته القياده واحنه شفناها القيادة افلوس تجمع
بلبنوگ وتبني للمستقبل الاسود قصور
------
مهداة الـى من تاجر بدماء الشهداء وباسماء المحرومين في ارض المهجر ومازالو يتاجرون بهذه الدماء الزكيه اهدي هذه القصيدة لهم ليعلمو اننا لم ولن نتركهم كما تركناهم سابقا.فليعلمو ان وقت السكوت والمجاملات قد ذهب؟؟؟؟؟
allami1959@yahoo.com
الشاعر ابو حيدر اللامي
هولندا
http://www.mumehhidon.net/ibda3at/p-...bo7aider24.htm
[/align]
