احنه والوكت

بقلم: السماوي
[align=center]
غربه ودمعه عالوجنات تنشد عالفرح وينه

مدري الفرح مات وراح مدري احنه الي ناسينه

نسولف وي وكتنه وهضم دنيانه

وننشد والطريج بعيد يا ذنب الي جانينه

مو احنة اهل الكرم والجود

نتلگة الضيوف نمد صوانينه

مو خدام حامي الجاروبينه الدخيل

يلوذ وكل مطلوب حامينه

اي مو فزعتنه تهز الكون ومن

نصول يا جف اليلاوينه

مو ارض السواد احنه وخيرنه

على الناس من تطش مواعينه

نعاتب والدهر ساكت ماندري

بعد شيريد من عدنة شيراوينه

دار الوكت دولابه وصفينه على الارض

طشار والجوعام هم يتصدق علينه

مثل دجلة وفرات اليوم دمنة يفيض وهدف

خلونة للانذال كل الراد يرمي يسدد علينه

صفة بديارنة بس اليتم والضيم وصفينة بلا

سگف هاليوم ومضيف العامر انهدت صوواينه

حيرة وتوگع الهة جبال وتفر العقول

وكل لحظة الجراح تهيج تجوينه

لجن عندي سؤال يحرك الوجدان

لو مات النخل تختل موازينه

يجيني الصوت من عراگنة المصيوب لو طاح

النخل للگاع يتزلزل الكون وكل قوانينه

يضل شامخ عراق حسين من يرعد يصير

جريذي گدامة خسيس الباع اهله وديرته ودينه[/align]

قال الامام علي (ع)ان الدنيا ساعة فجعلها طاعة و نفسك الطماعة علمها المناعة )
فلا تزعج نفسك يا اخي من اجل الدنيا فئنها دار فناء واتقي الله اخيك وخادمكم (احمد العلاق)

شكرا لكم أخي الكريم لنصيحتكم الثمينة ولتطيب الموضوع بقول لأمير المؤمنين عليه السلام...

ونريد منك أخي أن تتفضلو علينا بأحاديث وأقوال عن حق المؤمن علي أخيه....

بارك الله فيكم

وحياكم الله