-
وردة النوار
[align=center][align=center]طا ح بعيوني الفرح دمعة يتيم بلايا معنى
وفوك ديرة عينك رموش البحر طاحن عصاري
تنام فوك مخاد خدك
وردة النوّار
وجفوف الصبح
وانه عله طولي ينام صبيّر الصحاري
وتركض أنهار الحزن
وتسد مرافي الشوف بعيوني وأحسك من بعيد
بلايا جف000000
وبلايا صوت000000000
تدور بيه عله الجمر وركة جكاره
وتمشي خطوه مسودنه بسنين عمري
سنينك وكل خطوه أموت
وتعبتني
تعبتني
الشمس من تتغاوه ينزل دم كصايبها
جمر وينام باحظان الورد
غيم أسود بس ثدايه الغيم ترضع بالتراب
أعله البعد
وأنت شوارع كطعت كلب المدينه
ومنجل غروب وحصد لوح الشمس
جا يمته أشوفك وأبتسم؟
لو يمته أنساك ويموتن ذكرياتك؟
حاولت بس مره أزيحك من عيوني
انزاحت عيوني وبقى طولك حلم
بس ياحلم يمطر حقيقه
تحلمت بالليل يبجي عله النجم
والنجم تايه
ودم صبغ وردة حديقتنه الزغيره
ودنيا مدري شلونها!!!!
بلون الحزن والخوف رايه
وكاع داست من كثر ماحملت وادم ردايه
وفزت عيوني وبقى نفس الحلم
وأنت بقيت بعيد عني
بحر مابيناتنه وجفي كصير
روج عالي وطاح جفي
وسالت سنين العمر حنه وصبغت جفوف أديك
وروحي شمعه000000
روحي شمعه شما تمر بيها جمر تبجي عليك
شما تمر بيها جمر تبجي عليك
[/align][/align]
-
إبداعات بمنتهى الروعة.... سلمت يمناك أخي...
نسأل الله أن يلم شمل الأحبة بحق هذا الشهر الفضيل
-
ما شاء الله فعلا انك شاعر رائع يا ميثاق و شعرك راقي و جميل جدا مما يدل على انك انسان فعلا تستحق التقدير
و يا رب يجمعك مع مين بتحب الله يوفقك يا رب
-
حاولت بس مره ازيحك من عيوني
انزاحت عيوني وبقى طوللك حلم
بس ياحلم بمطر حقيقه
حقيقه
بيت في منتهى الروعه
بروعة بيوت القصيده
وحقيقه اصبحت من المتابعين لكتابتك00 نرجو المزيد
سلمت يداك
-
[align=center]
لااعرف كيف اشكركم انكم فعلا ذواقون للشعر
وكلماتكم مشجعة لي فعلا
اعدكم باني ساكون عند حسن ظنكم
ميثاق[/align]
