حسن

[align=center]حسن تدري البعد ماغيّر الشوك بعده-
حسن كلب اليودك زاد وده
حسن تذكر كبل للمدرسه نروح
حسن ذاك الدرب للحين بعده
وكت جانت الدنيه بعينه احلام
صدك جنّه فلا نعرف الشده

حسن شنسه؟ الامن من طوق البيت
ذيج الليله من عدوا العده
حسن شنسه؟ الرصاص الكسّر الجام
من ريح الطلق حرك البرده
من طبوا خذوك مجتّف اجتاف
من امك تصيح وليدي هده
من ذبوا ابوك وطاح بالكاع
من سيل الدموع الكلن خده
حسن راحوا خذوك وعشنه باحزان
وابوك اتوفه من بعدك بمده
حسن كبرك لكيته ابين الكبور
وحسن خليتلك عالكبرورده
حسن طشيت فوكك كل الاحلام
حسن واقريتلك سورة السجده
حسن يابحر همي وجزره الفراك
وموج الدمع بيه يصير مده
حسن لامانسيتك عايش وياي
أبدي اليوم بيك ويكضي وابده
اعز من نظر هاي العين وابده
حسن ماخاف ظالم صاح وابده
رايه ابندقيته وحجه بطلقات
حسن طلّك الدنيه اهواي طلقات
فحل طلكته الكاع بعدد طلقات
الولاده وجابته شايل قضيه
الولاده وجابته شايل قضيه [/align]

[align=center]اخونا الكريم ايهاب المالكي
شكرا لهذه الكلمات
يبقى حسن وزملائه الشهداء الابطال في الذاكرة وتبقى الاقلام تنزف حبرها ألماً لتحيي ذكراهم كل يوم
سلمت لنا [/align]

ألف حسن وعلي ومحمد في كل بيت ... يعتصر القلب حزنا والماً على فراقهم ... ذكريات لا يمكن أن تمحى من الذاكرة عند أحبتهم ...لم يرحلوا أبداً لم يرحلوا.......باقون معنا ولا زالوا....



سلمت يداك اخي ايهاب

أحسنت أخي ايهاب على هذه القصيدة الجميلة

دمت ياأخي سالما

أي جرح يداوي العراق....وأي بلاء ينفظه عن كاهله

والله إن جذوة نار العراق لتحرق الأحشاء وتعطل الفكر


نسأل الله أن ينزل رحمته على العراقيين الشرفاء الذين يضحون بأنفسهم وعوائلهم لأجله...ويحشر شهداء العراق مع محمد وآل بيته

شكرا لك أخي ولك تحياتي