إلى حبيبي العراق

[align=center]

ياثاني احتياطي وآخر انتاج
لاتهتم ولاتسمع اقاويل
لان كل كطره منك تحرك الكون
واذا طكيت غيض تصير اساطيل
واذا برميل منك ينزل السوك
ترجف خوف من عنده البراميل
العرب اول من اليردولك سوء
لذلك خططو سوو تحليل
لكو وي النفط مفروض تنظاف
لكل قطرة نفط ذرة عراقيل
خاف الناطحات التنبني هنا
تصعد فوك وتغطي الشناشيل
وخاف جفوفنه الذبت التمثال
تتجرأ بعد وتذب تماثيل
وخاف الماي زفه نزفه للهور
وفشكنه بليلة الحنه مواويل
وخاف بهالوطن ينكتب دستور
والتاريخ يكتب بالمقابيل
وخاف نكوم نذكر ثار الحسين
إذا دم صب ظهرنه من الزناجيل
وخاف السافر لواشنطن يعود
ومانحتاج اله اوراق ومراسيل
وخاف الجيش هم يتدرب وخاف
الشعيبه تدربه وتدربه المحاويل
وخاف اجم نذل من سوريا نشوف
فادي وغيره يتوسل تواسيل
وخاف ردود من رومانيا نجيب
بنادق واسلحه وخاكي ودرابيل
إذا حانت الساعه تهلهل الكاع
ويردون إذا عبرو مجاتيل
إحنه البنفاه اطيب من الطيب
بس ساعة الشده طيور ابابيل
والينسى العراقي يدور اكاع
حتما يلكه طبع البساطيل

حتما يلكه اثر طبع البساطيل


ايهاب المالكي \ العراق \ الناصريه[/align]

[align=center]اللــــــــــــــــــــه
جميلة جدا اخي ايهاب
احسنتم [/align]

اي والله جميلة جدا هذه القصيدة
وفقك الله اخ ايهاب

[align=center]وخاف الماي زفه نزفه للهور
وفشكنه بليلة الحنه مواويل

وخاف بهالوطن ينكتب دستور
والتاريخ يكتب بالمقابيل


وخاف نكوم نذكر ثار الحسين
إذا دم صب ظهرنه من الزناجيل

وخاف السافر لواشنطن يعود
ومانحتاج اله اوراق ومراسيل


وخاف الجيش هم يتدرب وخاف
الشعيبه تدربه وتدربه المحاويل



وخاف ردود من رومانيا نجيب
بنادق واسلحه وخاكي ودرابيل[/align]



سلمت يداك أخي المالكي،،، جميل أن يبقى الأمل ،،، لماذا لا تتحقق هذه الأمنيات هل هي صعبة؟؟؟ لا أبداً ؟؟؟ سيأتي يوم الفرح سيأتي يوم اللقاء ، سيأتي يوم لا خوف فيه ولا بكاء......