(ماشفنه العرب)
عذرا عن الغياب الطويل
حـبَّـيـنـه النجـوم التضـوي وجه الليل
لـن بـالعـتـمـه رادوا غصـب يعمونه
ولـن طـبـع الـنـجـوم اتشتت الديجور
لازمـنه النـجـوم وخـل يـلـومـونـه
واهـويـنـه الـگـمـر لـنَّـه سمير الروح
كل عـاشـگ لصـوبـه شـابحه اعيونه
وتـبـعـنـه الـشـمس لن تضوي وجه الكون
اولن نور الـشـمـس يفـضـح الباگونه
إهـوايـه الفـرق مابـيـن الـتِـبَـعْ ديجور
وبـيـن اللـي يـشـد للـنـور بضعـونه
شـمـس الـتـضـوي طـه والنجوم الآل
وبـنـور الـگمـر حـيـدر يـعـرفونه
وجـه الـعـاشـگ مرايـة حـبيـبه دوم
واحـنـه بـنـور آل الـبـيـت يـميزونه
حَـبَّـيَـنـه عـلـي مـوعـن تـعصب لا
لا عـن جـهـل بـيـه الشـيعـه مفتونه
دوَّرنـه اعله غـيـره مـالـگـيـنه اشباه
ولاشـفـنـه الـيـسـاوي عُـشر مخزونه
حـطـوا رمـوزكم ول إلهـا صرتوا احباب
بـاوَّل خـطوه تـسـگـط يـمـه مديونه
نـدري ارمـوزكم مصبـوغـه باحلى الوان
اقــوى الـصـبـغ لابـد ينـكـشف لونه
سـهـل صبـغ الجـسـد ابفـرچة الصباغ
بـس يـصـعـب علـيـكم صبغ مضمونه
شـمـا (فـبـركـتـوا) حول ارموزكم هالات
مـاتـوصـل سـفـح حيـدر تـظل دونـه
يـاهـو الـمـثـل حيـدر كامل الأوصاف
بـيـمـن يـارمـز عـدكـم تـبـاهـونه
لـمَّـن طـه راد ايـحـطـم الأصـنـام
بـس اگـدام حـيـدر جـاسـت مـتونـه
وانـتـو اليـوم صنعتـكـم غـدت تلميع
درب أسـلافـكـم هالـيـوم تـمـشونـه
حـتـى ايـزيـد عدكـم هـم خليفه وزين
والـحـجـاج هـم ودكـم تـشـكرونـه
وهـارون الـصـبـح عدكم رشـيد الگوم
غـديـتـوا بـكـل محافـلـكم تمدحونه
حـكـمـتـكـم بـني أميه وبني العبـاس
رضـيـتـو بالظـلام وصرتـوا تهـونه
شـفـنـاكـم تـطـربـون لعزف صدام
رگصـتوا اعله الأجسـاد الترست سجونه
صـار الـبـطـل عدكـم والشعب ينداس
اولـو واحـد فِـلَـتْ چـنـتـم تـدوسنه
تـرضُـونـه إلـه وحامـي سـور الدين
والـيـعـتـرض سـهـم الموت ترمونه
صـاح الـغـوث شـعـب الرافدين اعقود
مـن ضـاگ الـقـهـر بالوانـه وفنونه
مـاشـفـنـه العـرب صدت ظلم صدام
ولاكـبـحـت دولـكـم جـامـح جنونه
وبـدل مـا عـل الضحايا تدمعون العين
صـرتـوا علـى النـذل كل يوم تبچونه
هـذا انـتـو لأصلـكم ترجعون اردود
رديـتـوا الـسـقـيـفة الحق تركنونه
تـعـزمون اعـلـه صفقتكم رعاع القوم
المهـم حـيـدر تـتـم الصفقه ابدونه
إنـسـبـوا ارواحكـم للهب عليها ودب
واحـنـه لحـيـدر بكـل فخـر نسبونه
نظل رغـم الأنـوف انـلوذ بس بحمـاه
لـو مـهـمـا جرعـنـه وبـيـه أذونه
يـقـولـون الـتـشـيـع فارسي الأنساب
ونـسـوا بالـجـعـفـريـة هم ينادونه
ولو عـيـب النـسـب إل غيركم يعراب
مـذهـبـكـم بخـاري مطـاوله عيونه
تـقـولـون العراق اتــديـره الأغراب
هـدفـهـم نـفطه والأغراب يمصونـه
چـا مـنـهو اليمص نفط العرب هاليوم
وغـدت آبـاره ضـحله وتنشف عيونه
مـدري الـهـنـد تسيطر عالنفط والگاع
لو اوغـنـده تـشـفـط باقي مخزونه
قـولـوهـا الـصـدگ ريحونـا ياعربان
تـخـافـون الحـكـم لحسين يسلمونه
تـخـافـون التـديرالـدوله چف عباس
وآل الـبـيـت بـارقـى القيـم يبنونه
تـخـافـون لعلـي فوگـه ترف رايات
إبـلـبنات الـعـدالـة تنبني حصونه
چا لـيـش الـيحب حيدر يطاله السيف
والـيـعـشـگ علي أفـتو يذبحـونه
لاواللـي حـفـظ هـالـكـون ماعفناه
لو بـاحـقـاد هـند امـهـم يگطعونه
تحياتي العطرة للجميع
