قصيدة تركي بن حميد لإبنه عبيد من عيون الشعر النبطي

القسم مضايف وخاص بالأنساب والشعر النبطي والموروث



وهذه القصيدة تتناسب مع هالقسم ويحفظها كثير من بادية العراق ورواتهم


وهي شبه وصيه من الفارس تركي بن حميد لإبنه الفارس عبيد بن تركي بن حميد



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا ما حلا يا عبيد في وقت الاسفـار =جذب الفراش وشب ضـو المنـاره
مع دلة (ن) تجذا على واهج النـار= ونجر(ن) ليا حرك تزايـد عبـاره
النجـر دق وجاوبـه كـل مـرار =ما لفه الملفـوف مـن دون جـاره
واخير منهـا ركعتيـن بالاسحـار =لا طاب نوم اللـي حياتـه خسـاره
تلقاه في يوم (ن)يضيعـن الافكـار =يومن على المخلوق ما اطول نهاره
وقم في قصير البيت حشمه ومقـدار= لو جار فأذبح له لو بـه خسـاره
ترى النبي وصى على الجار لو جار= خذ الحذر يا عبيـد عقـب النـذاره
رافق قوى الدين حفـاظ الاسـرار=ينفعك في يومن يجـي بـه كـراره
ترى الهوى والغي هن شر الاشرار=ومن داس عار الناس داسوا لعـاره
جنب ردي الكار مـا فيـه تعبـار=ما فيه من فعـل المناعيـر شـاره
جنب عنه خله لقصـاف الاعمـار=واحفظ وصاتي يـا رفيـع المنـاره
واسلم ودم بالخير يا طيـر غيمـار=وصلوا على المختار ما غار غـاره [/poem]