((عراق )) من الذي قلبه .. ومن الذي سيرجعه ؟؟؟؟؟؟

يا عراق الخير كلي شبدلك
ما يجرن بعد بطلن .. ( فرات ودجلة )
وطيورك بعد ما غردن
ونخلاتك الحلوات .. جانن احله
وشمسك بعد متنورك
ونجوم ليلك سود مثل ( الكمله )
وناسك الجانت عاقلة
متكلي ليش شبيهة هسه مخبله
وسماك اللي جانت تمطر النه بخير
كامت تمطر حجار وحصو وبس رمله
والحرام انتشر بهذا البلد
كافي ولك متكلي شنهو الذلة
انته مو صوجك ولك صوج الزمن
الخلا ابشع ناس من بين البشر تحتله
يا حسافة تعيش من بين الدول
اعزب وحيد ومحد اليهتمله
متكلي ليش تفرقت
وبغدا صارت ما تعرف الحله
وموصلك ويه النجف اتزاعلن
وبصرتك نطحت اربيل بكله
والناصرية ويا الانبار تفاركن
وحتى دهوك هية طلكتهه لـ ( كربله )
بس انه واثق .. ما تقبله لهلوضع
وتلم الشمل وتصير احلى واحله
وتسحق الجانو ظالميك وتنتقم
وتزف فراتك يا عراق لدجله
ويعم الهدوء بأرجاء كل هذا البلد
ونكوم نسمع حتى صوت النمله
ويرجع الخير وترجع البسمات
على وجوه العراقيين .. بعون اللــــــــــــــــه


وشكرا جزيلا ............

والله لو بيدي اخليك مرتاح *** واعطيك راحتي وازيدك عليها