قصيدة عظم هدهد

[align=center] **عظم هدهد**[/align]



[poem=font="Simplified Arabic,5,darkblue,bold,normal" bkcolor="sienna" bkimage="backgrounds/2.gif" border="solid,4,darkblue" type=0 line=0 align=center use=sp num="0,black"]
انه ياصاحبي ماعندي وجهين = حته انزع وجه والثاني البسه

ولاغرتني يوم امرايت البيت = ووكف بالركن والزم اكلنسه

المظاهر ماتغير واقع الحال = البيه خير خل يعتز بنفسه

اليمد رجله اعله كد اغطاه موعيب = عيب اعله التندهه الصبح شمسه

نمت متعوب بس فزيت مرتاح = صار الماي حدري وكمت احسه

يسايسني الجرف وضحك عله الروج = عظم هدهد وعاند ومشي عكسه

انه ابن المارضت بكتارهه انلوذ = وبوي الماشبج خمسه اعله خمسه

وانه الماضاع صوتي ابعازت الصوت = وانه الماطلع للجار حسه

اكص اجدامي من ا تخونهه الكاع = وجوي اجفوفي من اتصير نحسه

اليزرع طيب كالو يحصد الطيب = والفلاح يجني اثمار غرسه

لاكن طيبتي خلتني ماشوف = وصدك كلمن ايراويني ضرسه

مهيه اتغالطت نبضات الكلوب = اذن يانبض منهن راح اجسه

الحقيقه اتكون مره ابعض الحيان = وبعض الورد يذبل من تلمسه

الحب ضاع وحنه الضيعيناه = لان ماجنه نحترمه ونقدسه

وحياتك ماسهرت اليل بطران = ولامتواعد اوشبعان ونسه

يمر بيه الحجي المايطري عالبال = وتيه ابين صفنه اودمعه خرسه

قطار الذ كريات ايودي ويجيب = ومحطات العمر من عدهه شنسه

لهسه اتسولف ابجرحي السجاجين = والنيشان بعده بضهري لسه

ولوعشريني خلصن طيف جذاب = وثلاثيني ابتدن بضروف تعسه

مامعقوله ابقه اركض وره الغيم = حتمن استقر ولكالي مرسه

كفاني ازعل وسد الباب وغتاض = ورد افرش شليلي اعتاب اترسه

على كل حال الف الحمد لله = خذت حيفي وكسرت عيون شرسه

*حسن * شاطر ويحفظ كلشي عالغيب = قرهء اكتاب الزمان وحفض درسه[/poem]
حسين الشميساوي

سوق الشيوخ
************************************************** *********

[poem=font="Simplified Arabic,6,white,bold,italic" bkcolor="black" bkimage="" border="ridge,4,orangered" type=0 line=0 align=center use=ex num="0,black"]
اليزرع طيب كالو يحصد الطيب = والفلاح يجني اثمار غرسه

لاكن طيبتي خلتني ماشوف = وصدك كلمن ايراويني ضرسه

مهيه اتغالطت نبضات الكلوب = اذن يانبض منهن راح اجسه

الحقيقه اتكون مره ابعض الحيان = وبعض الورد يذبل من تلمسه[/poem]

شكرا للاخ العزيز الشاعرحسين الشميساوي على كلماته الرقيقة اتمنى ان يتحفنا مع اخوته الشعراء الاخرين بشعرهم وكلماتهم وتعليقاتهم الرائعة ، فققد زانت صفحات العراق وشبكته بشعركم وردودكم .

تقبل تحياتي

حيالله الاخ حسين الشميساوي
بوركت على هذه القصيدة الجميلة
كل التحية والتقدير لكم

[align=center]مامعقوله ابقه اركض وره الغيم

حتمن استقر ولكالي مرسه
تسلم يا اخي على هذا التعبير الجميل [/align]

حيا الله شعراءنا وحيا الله سوق الشيوخ البطلة.

تحية للشاعر المبدع حسن الشميساوي

الى الشاعر المبدع حسن الشميساوي احسنت اخي على هذة القصيدة الرائعة التي ان دلت على شي فهي تدل على اصالتك واصالت التربه التي انبتتك

اخي بوركت وبوركت اناملك وفي انتظار المزيد

اخوك الفرزدق الحجامي

الله الله

احسنت يا ابا علي انت مبدع حقا

ابدعت هنا وكم احببتك واحببت هذه القصيده

شكرا لك ولابداعك وانتظر مزيدك

لافض فوك وعاشت ايدك

حياك ياابن النخلة الشامخة اخوك رحيم الركابي

تسلم مشكور انشالله ترجع لكم العراق مثل ماكانت واحسن

** بسم الله الرحمن الرحيم**

** تحيه طيبه**

من نبضات قلبي المتراكمه بالحب والصدق والوفاء ** اكتب اليكم على اديم الشوق والود والوفاء

عن محبتي وتقد يري لكم ولكلماتكم التي طرزت صفحاتي بصدق المشاعر والحروف النبيله

تحياتي *الى عراق سنتر نت *ودجلة الخير** واسامه السلامي**و المراقب* والفرزدق*

وميثاق الهلالي* وعبد الهادي المناع * ورحيم الركابي **ومحمد الشمري*********

تقبلو تحياتي ** اخوكم *حسين الشميساوي***[/size]

حياك الله وتمنياتي بالموفقيه0000مصطفى الشميسي

حياك الله وبارك فيك أخانا العزيز حسين الشميساوي