يالرايح تزور حسين اخذ كلبي وياك

السلام عليكم ورحمة الله وبركاته



یالرایح تزور حسین اخذ گلبي یزور ویاك

واخذ دمعات من عینی یهلن من تهل عیناك

اخذ دمعات من عینی واهدیها لحبیبي حسین

وبعد لاتشکي بلسانك خل تشرح دموع العین

حبیبی وذایب ابحبه وامنّور الي الدربین

درب یشرح خفایه الحب والثانی اصول الدین

نضل اعله العهد ویاك یمن رب السمه علاك

یالرایح تزور حسین اخذ گلبي یزور ویاك

اذا خلّیت یالزایر اول خطوه بالحضره

احني راسك وقبل اعتابه وانظر الگبره

وشم ریحة تراب حسین ابن الطاهره الزهره

هاذی الجنه یالزایر طوف وفرغ الحسره

واذکر کل صدیق الگال تذکرني رجه اترجاك

یالرایح تزور حسین اخذ گلبي یزور ویاك

واذا عاتبت ابو السجاد یالزایر تذکرنه

واخبره احبابك اتودك واخبره حبه ساحرنه

ونتمنى یبو الاکبر خدم للموت تقبلنه

بدفتر خدمتك یحسین علیك الزهره سجلنه

نحیه انموت یامظلوم وبیوم الحشر ننخاك

یالرایح تزور حسین اخذ گلبي یزور ویاك

حبیبی روحی ابو الیمه حیاتی ومصدر ایماني

ارید اجمع ورود الکون الك یانور وجداني

ارید اعلن نعم حبی حسیني وحبه عنواني

وتضل یحسین الي قدوه اجابه بیك عدواني

ونضل للموت احنه ویاك ترفضنه ابد حاشاك

یالرایح تزور حسین اخذ گلبي یزور ویاك

اذا مریت یالزایر ونیتك تعتني الانصار

سلم وانحني الهم تحیه لصفوة الایثار

رجال التضحیه صارو رفعت راس للاحرار

ورفعو راسهم بحسین امام الخالق الجبار

وقبل متغادر وترحل اوگف قبل الشباك

یالرایح تزور حسین اخذ گلبي یزور ویاك

یالزایر شرید اوصیك اذا مریت عالعباس

کفیل الحره هالصندید هیبة کل هذول الناس

احلفک لو رجه اترجیت ابو الغیره وابو النوماس

ابد لتحلفه ابزینب تره گلب الگمر حساس

ولاتذکر طفل گدام ابو فاضل انه اترجاك

یالرایح تزور حسین اخذ روحي تزور ویاك

نجدد هالعهد یحسین ماشین احنه وبدربك

ونضل نستلهم ادروسك ومنعوفك وحق ربك

اذا رادو یمنعونه ابد منغّیره الحبك

یمنهل عذب للاحسان گلبنه اتروه من گلبك

وگلبك منبع الایمان یمن حیدر علي رباك

یالرایح تزور حسین اخذ گلبي یزور ویاك