-
الشيعة والحسين
[align=center]
الشيعة والحسين
درس نتعلمه من ارض الطفوف
لازم نحذي حذوة وناخذ العبره
تعلمنه الطفوف شلون صبر حسين
وشلونة كفاح اصحابه والعتره
يعلمنه ابو الاحرار شنهو الكبرياء
لا للظلم لا للجور الف مره
هوه حسين واحد ما يصير اثنين
سيدنا الشهيد المنكطع نحره
ما تنفع الدنيا التخلى من حسين
والبيهه يزيد الطاغية وكفره
الارهاب يعني يزيد والشيعة يعني حسين
وبعدها المعركة لليوم متوجره
ضلينة مثل حسن وتركتنه كل الناس
وصرنة بس نصيح وما كو أي نصره
احنه اولاد حيدر والنبي المختار
و جدتنه خديجه وأمنه الزهره
ريت وياك جنه يا ابا الاحرار
او واحدنه الك يهديك كل عمره
يا أبو السجاد صبرك ما أظن صبروه
وأي واحد بدالك جا نفذ صبره
جم طبرة اكو بجسمك وأبد ما ونيت
او واحدنه يون من جكت الابره
عبد الله الرضيع بحضن ابوه حسين
عطشان انذبح حز السهم نحره
وعلي الاكبر شبيه المصطفى المختار
أسهام المنيه شككت صدره
وعباس ابو الغيره بالسهم مصيوب
مكطوع الجفوف .. اليمنه واليسره
والعريس قاسم حنته امن دماه
واصحاب الحسين واهله والعتره
كلهم فاركوه بيوم عاشوراء
وبس اجسادهم ضلت على الغبره
تبقى انته مخلد يا أبى الاحرار
ومآتمنه الك منصوبه فد جره
من اول محرم .. لأربعين حسين
وادم تبجي .. تلطم .. حتى متطبره
هاي دروس ابو الاحرار نقراها
وبالك ها .. يرسب تره المايقره[/align]
-
الله عاشت اناملك سيدي كلامتك في غايت الرونقة
ان شاء اللة المزيد من الاشعار الجميلة
اختك في الله مريم
-
اخي العزيز اسامة السلامي
اتمنى لك المزيد من العطاء لانك مبدع ومتنوع في مجالات الادب
لك حبي وتقديري
-
والله ابداع ابداع ابداع لا اقول غير هذه الكلمات لان القصيده فيها صوره ومعبره عن واقعه الطف
-
اخي العزيز اسامة السلامي
بارك الله فيك وماجور ان شاء الله
تحياتي
-
السلامي
سلامي لك
وجمي يااخي
اتحفنا
وبالك ها .. يرسب تره المايقره
جميييييييييييل
ميثاق
-
[align=center]السلام عليكم ورحمة الله وبركاته
اخواني الاعزاء .. اشكركم جدا على هذه الردود المملوءة بالحب الصادق فهذا هو طبع العراقيين لا يعرفون غير الحب ..
مع فائق احترامي وتقديري .. اسامة السلامي [/align]
-
ابدعت ابدعت ايها الشاعر الجميل وجزاك الله خيرا
جميل ماسطره قلمك
دمت سالما وننتظر المزيد من ابداعاتك
لك تحياتي
-
[align=center]تسلم يا أخي العزيز .. انته الاجمل .. واتمنى لك الموفقية .. لك ولجميع الاعضاء والمشرفين والزائرين لهذه المنتديات الغراء [/align]
-
اشكرك على هذا الموضوع الجميل
؟؟؟؟؟
-
