قصيده (كعدة) اعرف الهدف من ثورة الحسين ع
[align=center]منهج حسيــــــــــــــــن منهج واضح الجنة طريقة هاي معروفة الحقيقة
بكربلة من انكطع راسه مولجل حكم ورياســــــــــه هاي معروفة الحقيقة
***********
حسين مودمعة مصيبة تجري من فيض المدامع
حسين منهاج وعقيدة ثورة كبرى وفكر واسع
حسين افاقة وحدوده بدمه خط كل الشرايــع
للعدل ميزان دمه
بالوجود اقترن اسمه
اقره منهاجه وافهمه بالوهم لاتظل ضايع
بركبتك دين تدرس ثورته وتفهم جهاده ابكربله ونال الشهاده
حقق ابدمه انعكاسه مولجل حكم ورياسة هاي معروفة الحقيقة
حسين قران الرسالة وترجمان افاق جده
حسين مضمون الحقيقة وسر وجود الكون حده
حسين من تدرس قضيته وثورته وشجان قصده
لجل المباديء والقيم
ضد الظلم رافع علم
كلمن سلك دربه سلم خسر كلمن مشة ضده
هذا يقين صارت للعدل ثورته الميزان ومنهجه منهج القران
وضح افاق السياسة مولجل حكم ورياسة هاي معروفة الحقيقة
حسين شاف اهل الضلالة تحرف الدين وتزورة
تحزم احزام العقيدة علن ضد الظلم ثورة
وللعدالة ضحه روحة سجل التاريخ نصره
خاض اكبر ملحمــة
ضد الطغات المجرمة
منهج حسين تعلمه وخذ من ثورته العبرة
ضحى للدين وبدمه كتب سنة محمد الهسبب هو تخلد
بالدمه شيد أساسه مولجل حكمه ورياسه
ياموالي حسين عبره حسين قران ورسالة
ابكربلة من دم وريده كتب تاريخه ونضاله
مار ضخ للظلم جاهد ضحى روحه بكل بسالة
عبره اخذ منه ودرس عن دينه ماعز النفس
ونته ولاجنك تحس ودينك مكطعه او صالة
تبقة ليوين لاهي والوطن تنزف اجروحه وللعدو ترظي طموحه
نادي للوحدة بحماسة مولجل حكم ورياسة هاي معروفة الحقيقة
حسين من أجلك واجلي بكربلة قدم نحــــــــــــور
وصار قربان الرسالـــــة خالد ابكل العصــــــــــور
يا مولاي انصر أمامك احنة في عصر الظــهــور
يلعايش انته بهل زمن
دوار دولاب الفــــتن
محتلة امريكـــــــــا الوطن ويمتة ياشيعي تثــــــــور
وفـــي بالديــــــــــــن واعلن ثورتك ضد الظلاله هلوطن محنة احتلاله
ربح كلمن نصر ناسه مو لجل حكم ورياســـــــة هاي معروفه الحقيقة
تحياتي لكم
[/align]
