.. اصحى ولك ياغافل ..

[align=center]سلام الله

http://www.islamtoday.net/media/untitled674.JPG



أمــر يم قبتك أرسم لروحي صروح
.. طوابق بالحزن تخنق تلاحيني

شريد من القصايد والحبر مبحوح
.. شريد من العمر والشوك في ايديني

يعلمني الكسر لمن يهد الروح
.. ولا حتى النفس قادر هوى يجيني

تعلمني الجروح اشلون اعيش الويل
.. ولا مخلوق في العالم يداويني

تعلمني وتعلمني وتعلمني
.. وعلى بر الهوايل جثة ترميني

شقولن والزمن هايج بلحظة موت
.. يسور بالوجع صبار يدميني

تقدر يازمن .. تجرح وطن حساس
.. بعيونه الجميلة .. بروحه يحميني!

عايش هالوطن داخل قلوب الناس
.. مليان ابشر فوق الملايينِ

بشر ماهم بشر في العالم المحدود
.. بشر تحيا بكرامه اعله الشرايينِ

أمــر يم قبتك أرسم لروحي سطور
.. أذكرن للخطوط اشلون تحجيني

إحجيني حلم أزرق بصافي الليل
.. جن ابهمسته وفجر براكيني

إحجيني طفل ضايع من الايام
.. مصلوب ابدفاتر شوقي وسنيني

إحجيني ألم وسط الحنايا ينوح
.. مراقد روحي صابتها الملاعينِ

مستني باظافر صوبت ملفاي
.. وقال للبرايا ( كافر ابديني )

على حرفك علي بكتب وثايق نور
.. أخطنها ابدمومي وروحي وي عيني

أبكتب رافضي وياحيي رافض ضيم
.. ماأقبل أبد ظلم اليعاديني

أبكتب كافر ابكل ناصبي وكذاب
.. وأعوذن قلبي من شر الشياطينِ

أبكتب بالجنون أفكار إجت بأفكار
.. أبكتب عالورد حيو المجانينِ

ماترهبني الآف القذايف يوم
.. ولوني اتفجرِت ما مت ( تحييني )

عزيمة الي صنعها الحيدر الكرار
.. ماتقدر يالاعوج عنها تثنيني

مو دم العروق اليجري بالاعماق
.. مايات الجنان تعيد تكويني

اصحى ولك ياغافل لو تفجرالكون
.. ببقى لك حرف وتخاف تمحيني

خنجر وسط صدرك بالنصر مرسوم
.. بيد الغايب العارف يباريني

عجل بالفرج عجل يعطر النور
.. يا أجمل أمل يسقي عطش طيني

آمنا بوجودك ذبنا نترياك
.. اقبل هالقصيد امن المحبينِ


.



دمتم [/align]

جميل جدا فجر الزهراء عاشت ايدك

تحياتي
ام عباس

سلام الله


والأجمل وجودك هنا أخية

أشكرعذوبتك

دمتِ في النور

تعلمني الجروح اشلون اعيش الويل
.. ولا مخلوق في العالم يداويني

جميل موظوعكم فجر الزهراء وأشد على يداك الكريمه ان تزيد وتروي اعيوننى في كتاباتكم

تحياتي موظوعكم جميل فجر

الحسيني

أحسنت يافجر الزهراء

قصيدة رائعة


وفقك الله لكل خير

تحياتي