عـاد هولاكــــــو

عاد هولاكـــــــــــــــو
ــــــــــــــــــــــــــــــــــــــــــــــــــ ـــــــــــــــــــــــــــــــــــ
بديرتــــــــــــــي اليوم أصناف غربه وأجنـــــــــــــاس
منهم ردي والباقي أنجــــــــــــــــــــــــــــــــــــــــــــاس
يشتهون الغدر عل الريـــــــــــــــــــكَ
ومره عل الركَبه يشتهون الفـــــــــــــــــــــــــــــــــاس
لو معزبهم نظيــف النفـــــــــــــــــس
لو عنده ذره من الأحســــــــــــــــــــــــــــــــــــــــــــا س
ما خله ضيــفه يتلوى بمــدوره
ويتلبك بطريج الأمـن خنـــــــــــــــــــــــــــــــــــــــاس

هاي تالية العروبه ياعراق
وهاي تاليـــة الشهاده والكفـــــاح
كَبورنا بكل أرض تصرخ
وريح النوايح منها فـــــــــــاح
واحد.. عان المجرم بخطتــه
وواحد.. مأمن بأسم الوحده صاح
بدمايه ردوا فضل العراق
كل ساعه أعله الدرب تنساح
صدكَ ناطق بالشهاده ياغريب ؟
لو بدلت ربك وصار وسواس
مسلم بس بالأسم انته
وللتكفير فكرك أخذ متراس

هولاكو بربعه عاد إلنه
بعدة عمايم متشكله
نفس الخطوط وياه ترسم
شلون يحن علينا قلبه
بس .. هالمره المصيبه ثنين
أجنبي ومسلم غاشم يسنده
عرفنا الحقد عل النفوس يصير
أشو حتى الحجر ما خلص من حقده
ما سلم حتى جانون الجاي
وبسطية فقير يتناوش الخبزه
ما خلص ميت بتابوته
ينذبح وبيا عقيده تنقاس
هم هاي مله ونحاورهه
دمهم خوارج والعركَ دساس

جم خليفه اليوم يتأمر
وجم أمير علينا سيوف يشهر
(مجاهد) عاف كَاعه تتقهقر
وبقتل العراقي القدس تتحرر!!
مهندس لو طبيب لو عزا يتفجر
لو عامل عياله للكمه تتنطر
دخيلك ياعلي التاريخ يتكرر
تحت قبة علي الهادي الحقد يتفجر
فجروا كل شارع وكل بيت ومدرسه
فجروا ابواب الرزق عل الناس
قبلكم هوايه إجه ودمر
وتاليته تحت رجل العراقي أنداس