قصيدةفي حب العراق

عنك يــــــــــا وطن مجبور أدير العين لان بعض الشعب حب الوطن شــاله

ركضوا عـــالصنم جي بي صفر ينباع ومـن طاح العلم محد ركض شـــ اله

أمن يــــــــــا وطن مبيـــــــوع ليكدام أنـبيعك باي سعر لليــــــــدفع ادلاله

أبن الوطن بره ومن سمع فرهــــــود حـــــرامي امسلفن من أمريكا وداله

تاليهه وحيـــــاتك تبقى بس حيطـــان وأحنّـــه العدنــه بس نستنكر الحاله

ليش أسكت بعد وانته اعله هذا الحال شـــاعر بيده قلمــه ويرجف اشماله

الشــاعر وصل دوره بثورة العشرين مــــاكفّه القلم ظـــــل يكتب بفـــــاله

المـــــايدري أقتنع يوسف كلاه الذيب واليــدري سكت خــايف على اعياله

ألمــا قبلوا عليّ من جنت اسب إبليس ركضــــوا صفكوا للكــام غنــــــــاله

شمـــــــالك يا وطن مابيك مثل حسين ومــــــالازم حسين امبارك اخيالـــــه

تطي ليــــا حلك عالشجره بس عنكود وكلمن عـالــــحدود امحضر اسلالـــه

رب البيت ســـــاكت والحرامي ايبوك وخـــاف البيت يطلــــع تالي مو ماله

إذا الكوفة أمس ودت رســـــا يل ليل هسه احنّــــــه الصبح ودينه كتالــــه

اجانه العيد لكن وجهه مــــــا مرتاح جــــاي لوحّده ومــــا جايب إهلالـــــه

ليش اتعوفه ذاك الدمه لجلك طــــاح وامجلب بواحد كــــل فضل مـــــــــاله

عشت وتسلم اخي احمد كلماتك اكثر من رائعة

تحياتي

الله الله عاشت اناملك سيدي كلمات في غايت الرونقة