المراسل الجوال

المراسل الجوال

بعث السيد مقتدى الصدر رسالة تلفزيونية الى من يهمهم الأمر طالبهم بالبرائة من التكفريين والمجرمين البعثيين وكل من يشارك بقتل الأبرياء العراقيين فجاء الرد بعد أقل من أربع وعشرون ساعة بستة رسائل تفخيخية عن طريق بريد مدينة الصدر

الحاقا بخبرنا ألأول ولأبداء حسن النية وصلت رسائل أخرى هاونية عبر نفس الطريق الأول الى السيد مقتدى الصدر وجماعته

وصل أعداد المهجرين من العراق الى العراق الى أكثر من ألف عائلة والحكومة لاشافت ولاسمعت وقد علق أحد المنبطحين على عمى وطرش الحكومة لأن المهجرين شيعة وبس

بعث مراجع الشيعة برسالة طالبت الطائفيين الذين يقومون بأجبار الشيعة على ترك منازلهم وتهجيرهم الى مدن أخرى بالتوقف عن هذه الممارسات الغير وطنية ومو حلوة الى سمعة أخواننا السنة اذا الغريب سمع وقد أمهلت المرجعية هؤلاء المجرمين خمسة وعشرون سنة وألا سوف يكتب بيان آخر شديد اللهجة وقد أعذر من أنذر

كما يقال اذا كان الكلام من فضة فالسكوت من ذهب ولذلك نرى الأتلاف العراقي يفضل الذهب حتى لو عصابات الأكراد والطائفيين خلعوا كل ملابس الأتلاف بما فيها الملابس الداخلية

كثرت مواقع الأنترنت ويابلاش وموقع مايسمى الجيران وهو تحت اشراف مجموعة من العراقيين والكويتين الشرفاء حتى العظم كما هو مذكور بالموقع هذا الموقع شغل وعمل ماعنده من كل عشرة مواضيع أوخبر فبتسعة ونصف موضوع يشتم ويفتري على شيعة العراق خصوصا وعلى شيعة المنطقة عموما فلذلك أصبح واضحا للجميع أنه موقع سلفي تكفيري نجس وچومت احجار ولاهذا الجار

ألأخبار تؤكد أن الشركات البريطانية كسبت مليارين دولار أرباح خلال سنتين من خلال برنامج تعمير العراق ألله أكبر ياملاعين الوالدين اذا كان الربح مليارين دولار لعد كم المبلغ المصروف على الأعمار كما تدعون ؟ والحقيقة لم يرى العراقيون تعمير حتى رصيف شارع واحد بالعراق ياناس وين راحت الأفلوس وشگد المبلغ الكلي ياعالم وين اليدعي الدين والوطنية وين المعممين والأفندية ميطلعون ميحچون ولكم طلع الجُبُن اشجع منكم

زار ابراهيم الجعفري رئيس وزراء العراق البطل جلال طالباني رئيس جمهورية العراق الص.... الجماعة گلبوهَ گالوا الطالباني زار الجعفري ليش گلبوهَ هاي الماأعرفها

ذكرت محطة العالم التلفزيونية أمس وصول ثلاثمائة عائلة مهجرة من العراق الى النجف الأشرف وقد قام أعضاء مكتب الشهيد محمد صادق الصدر بتوزيع المواد الغذائية والبطانيات وبعض الحاجات الضرورية على العوائل المهجرة فغضبت ( المراسل الجوال ) وقلت أنا أخوا موزة اشلون هاي مويگولون جماعة الصدر موخوش أوادم أكثرهم بعثية وحواسم يعني هذه الغراض كلها من حرام چابويه وين رجال مكاتب المراجع المؤمنين ليش مايوزعون على هاي الناس المظلومة

الحاقا بخبرنا السابق قام مراسلنا الجوال بالأتصال بمكاتب المراجع العظام وبدأ بمكتب المرجع الكبير وزعيم الحوزة هلو سلام عليكم مولانا أغاتي شنوا ماعدكم علم بالعوائل المهجرة الي وصلت النجف من العراق ؟
حبيبي منوا انت ؟
انا المراسل الجوال
أغاتي أهوايه اتصلوا بينه قبلكم وحنه ابدورنه سوينه اتصالات كلش أهواي في النجف وكربلاء وحسب علمنا ولاواحد مهجر وهاي كلها دعاية وأقسملك احنا اتصلنا بمكتبنا في قم فكذبوا الخبر حبيبي اصلا كلمهجرين ماكوا وانت اتصدگ اذا هجروا واحد من جماعتنا راح نسكت ؟
حبيبي انت اشجاي تحچي أگلك اتلثمية عائلة وصلت مدينة النجف والشاهد ان مكتب الشهيد الصدر وز....
شنوا مكتبمن ؟
حبيبي خليني اكملك
أغاتي اظاهر انت متوهم وأحنا مشغولين سلام عليكم
أغاتي خليني أكمل قطعوا الخط صدگ چذب اظاهر آني عايش ابغير عالم وماجاي افتهم اشجاي ايصير صدگ چذب والله عمي حگهم الجماعة من يگولون الشيعة صحيح أهوايه بس شخلهم امخربط واحد يجر بالطول والثاني بالعرض وكلمن يفكر ابنفسه وبجماعته وهاي هيه الله يستر على الناس المساكين الخابصين نفسهم لابويه أحسلي وأشرفلي ابطل بعد ماأتصل بالمكاتب الأخرى اذا المكتب الچبير هچي اشلون با....خليه سكته يشيعي لاوالله وألف والله المفروض مانسكت


تقبل تحيات
المراسل الجوال