جثة على قارعة الطريق للشاعر سعدي العقابي
التمو عالجثة المجهولة
گالو شيعي ...... گالو سني ........... لا .. هذا مسيحي
نفس الدم , ونفس اللون ............. ونفس الموته
والشارع صايــــــــــــــــــــــــــــــــــــــــــــــر تابوته
بس ما طايـــــــــــــــــــــــــــــــــــــــح واكف صوته
هذا عراقي ؟ ويشبه يوسف........... واحنه أخوته
ويشبه يونس.............. بس ما گدرتله ولا حوته
شوف عيونه جنهه البصره
وجنهـــــه أسليمانيه خدوده
وجفوفه جنــــــــهه الفلوجه
حنطاوي ومـــن واسط عوده
بغداد التعبانـــــــــــه بوجهه
وذي قار انرسمــــت بزنوده
نهريــــــــن انرسمن عالجثه
وطول عراق أتشوف أحدوده
وطني مذبوح أبنص وطني
وتنزف بينه نشوف أجروحه
وطنــــي أتعلگ فوگ اللوحه ......... وفوگ الرمح
وجثتـــه بلا راس ومطروحه ........ بس ما ميت , عايش وطني
وطنـــــــي عثمان ومي دجله ............ وفوگ الروجات أتضل روحه
وطني سجين ومرجوحه
شلون ندفنـــــــــــــــه وبالعالم معروفه أخباره
وست الاف أبابه يصلن ........ وطني حضاره
وسومــــــــــــــــــــــــــــــــــــــــــــــ ــــــر داره
وبابل بيريتـــــــــــــــــــــــــــــــــــــه وأسواره
والهسه بهامات الدنيه مرسومه سوالف فقاره
شلون أندفنه وهذا البيبانه مــــــــــــن الجنه
ودمعاته مــــــــــــــــــــــــــــــــن يطگن حنه
وأتحداك بيوم أتميز بين الشيعه وبين السنه
مذبوح وبيه تسمع ونه
توحد ....... يشعب أرجــوك بالشده توحد
بدمــــك سيف عدوانك توحد
وثوب أسود لبس وكتك توحد
انزعه ودوس فوگ الطائفيــــــه
