على بختﭽ يا سماوتنه

[align=center]بسم الله الرحمن الرحيم
اللهم صل على محمد وال محمد
السلام عليكم ورحمة الله وبركاته
,
,
,
,
,

سماوه بطي حزن وجعان لميني

ونكَثي اجبال همي امطشره اسنيني

اخذيني كَلب عاشك ورسيني بحنيني

خليني على جناح بدرس حطيني

فراشه امصوبه بساحه تلاكَيني

احن ذاكَ الحنين بنوﭽ ترعيني

الم روحي شواغي بحظنج اجنيني

تكَريني برضاعة دم سره اجبيني

وخط اسمج على فراش العجد نكَثيني

انا الميت عليج وصَيتي خليني

ترابه هناك سحكَيني بدرابيني

وكَابر ما اكَول احا تلاكَيني

اتونس بترابه سيان يحميني

اطشرهن على ثيابي تعطريني

وكَولن حنه من ارضج تحنيني

عريس امعرس بصدرج تغطيني

كَذيله يحليوه على عيونج تلميني

على متونج تخليني بشكَابيني

ملح كَاعج عوافي اطواكَ عافيني

الحمد لله ورد ازهر تلاكَيني

عطش لايذ وتر بليل ناسيني

انا بذكَرج عشت كَطرات ذليني

انا المذلول وبذكَرج تﭽبريني

تﭽبريني بغموس اشركَ تعرفيني

صديق الحلوه بطباعج تكَوريني

بهمس ريحﭽ تلوليلي وتهزيني

وضل اختض لبن شﭽوى تشربيني

وكَول الله الج فدوه تعافيني

وتتركيني الﭽ دمعات ترويني

احن وردح على الصوبين خليني

عشت بيهن دمع مسجون بلخناق راميني

وتاليهة بوسط غربه تجازين و تفضحيني

على بختﭽ خلي اريض نوكَ راعيني

وحس بيﭽ العشكَ طابوكَ يبنيني

لبو محمد خضر صوبين لفيني

بعباتج للخضر سدره هناكَ حمليني

ونفضي اثمار يم اهلي تطشريني

شوباش الهويشلي على ام خمسين طريني

وكَولن صرت الﭽ ورده تذبليني

وكَنطر طبكَه بشطوطج تسبحيني

على السعفات ولكَربات نيميني

وتصحيني على العشرين لرميثه تزتيني

انوح عليج يا رميثه تعرفيني

انا العاشك همس خدرج تدخليني

وفلي براس حلوتكم تخليني

اصَكصكَ شبكَه بذراعج تريحيني

وسلم على قواسم خاله ذكَريني

وطير اوداع وبنكَره تسمطيني

وكَول الله يازهره تلكَيني

بئرظ سلمان يا جناحات نسفيني

على الصحره وسموم اتكَلب اخذيني

وعشعش طاير ومصيوب ﭽلبيني

على بختﭽ يا سماوه بكَاعج ارسيني

كل هذى العشك تاليهة تنسيني

انا الطاير ومصيوب ﭽلبيني

على بختﭽ يا سماوه بكَاعج ارسيني
,
,
,
الحسيني [/align]

رغم انني لست من هواة الشعر الشعبي الاان السماوة سترد عليك بكلمات منها

انا في الانظار الى حبيبتي

شكرا على مرورك وتعليقك

اخوك

الحسيني