خادم إلكم...! قصيدة شعبية حسينية
[frame="9 80"][align=center]خادم إلكم...
يلوسيع إبوسع دنيا الله حلمكم
حلم روحي إبكل محنّتها تضمكم
خادم إلكم....
خادم إلكم يا أهل طه الرسول
يا أغصان المرتضى وعطر البتول
شجرة الإيمان ثبتت ما تزول
إبمهج سورتوها من يوم النزول
سند للقرآن دمكم
خادم إلكم....
خادم إلكم يا أولاد المصطفى
يا نبع يروينا عقل و عاطفه
الباري أعطاكم علوم ومعرفه
وجعل ذكراكم دوه بيها وشفه
يا عليل الماقصدكم
خادم إلكم....
يا عليل الما تداوه وجرحه طاب
بيكم وخلّص إسنينه من العذاب
الباري كرّمكم بآيات الكتاب
بأعلى علييّن سادات وشباب
من وصل قطرة بحركم
خادم إلكم....
خادم إلكم عن دربكم ما أحيد
يلْ دربكم درب الإيمان الوحيد
الزمن يبلى وانتو ثوب الله الجديد
اليحبكم آخرة ودنيا سعيد
العزيز أوصى إبحبكم
خادم إلكم....
العزيز أوصى إبحبكم والنبي
كلنا خدّام إو شفاعتكم نبي
آنه وهلي والقصيدة ونه بي
حق نحبكم وهذا حقنا والنبي
حق محبتنا إلْ أمكم
خادم إلكم....
من ذكركم خضرّت كل مجدبه
و المحبّه الماهي إلكم كاذبه
حق محبتنا للزهره نطلبه
إبقلم دمعه إبكل قصيده نكتبه
إو وين هذا من فعلكم
خادم إلكم....
خادم إلكم يا أهل بيت الرساله
إنت علمتو الزمن معنى البساله
صرتو للإيمان إثبات إو دلاله
كفة القرآن إنتم والعداله
العدل يتحقق بإبنكم
خادم إلكم....
العدلْ يتجسّد إبجية المنتظر
وإحنا عطشانين إله وشوفه نهر
الخيربإسمه ينزل إنزول المطر
بيده ينقذ كل محبْ طاح إو عثر
هوّه من يرفع علمكم
خادم إلكم...
بيدنا إنشيله علمكم والضمير
ولو لوتنا الريح بيكم نستجير
إنتو سور إلنا وهدفنا والمصير
ويا محبتكم خبز بيد الفقير
مشبع الجوعان حبكم
خادم إلكم....
خادم إلكم....
خادم إلكم.....!
شعر:خادم أهل البيت عليهم السلام
مسلم الطعان
استراليا-سدني
[/align][/frame]
[align=center]===============
من بريد الشبكة
===============[/align]
