مواطن معصب...

مواطن معصب ...
مرة موظف وقف عند الدكان بشارعه واشترى شوية اغراض
وعندما طلب من السمان أن يسجلهن عليه بالدين رفض الدكان
وقال له ما بتعامل انا إلا بالكاش موني
فقلو الموظف متعجب: تريد كاش؟؟
قال له صاحب الدكان أي ليش لأ؟
فجاوبه الموظف
لأن الكاش غير متوفر بالأسواق المحلية لانه تجمع بأيدي شلة من الحرمية
والحرمية صارو كثار
والكثرة غلبت الشجاعة
والشجاعة كنز لا يفنى
والكنز موجود بالمغارة
والمغارة ما بتفتح إلا لعلي بابا والأربعين حرامي
والأربعين حرامي صارو ملايين
والملايين تندفع لضعاف النفوس رشوة
والرشوة صارت حق
والحق يا حسرتي ضاع
والأكل ما عاد منه غذاء
والغذاء مقابل النفط
والنفط جاب البلا على روسنا
وروسنا تمرمطت بالأرض
والأرض مقابل السلام
والسلام صار استسلام
والاستسلام ضيّع الكرامة
والكرامة خسر أمام الوحدة
والوحدة صارت حلم
والحلم سيد الأخلاق
والأخلاق تحولت لنفاق
والنفاق جمع نفق
والنفق لازم يتكمّل
ولحتى يتكمّل يحتاج متعهد بناء صالح
وصالح ما عاد بهالأيام
وبهالأيام صارت المفاهيم مقلوبة
والمقلوبة بدها بيتنجان ولحمة
واللحمة ماعادت تفوت لبيت الفقرا ولو نطحو الحيطان
والحيطان صار ألها أذان والأذان معبية البلد
وهالبلد صار في أكل هوا
والهوا صار في تلوث
والتلوث عشعش بالنفوس، والسجل المدني والقضاء
وللقضاء على القضاء صار بدو قضاء وقدر
والقدر علينا مكتوب
والمكتوب ما في منه هريبة
والهريبة تلتين المرجلة
والمرجلة ما عادت لكل واحد
وكل واحد ألو ساعة
والساعة أتية لا ريب فيها
يوم يأخذ كل ذي حق حقه اللي شفط منه في الدنيا
وعلى الدنيا السلام مشان الحصول على الأختام
والأختام عند المدام
والمدام كانت شامية والان صارت روسية شقرا
والشقرا بتهز الأرض
والأرض بتتكلم عربي
والعربي ماحد بيقدر عليه غير الله
والله اذا نضل على هالحالة لتسحبنا الكلاب
والكلاب أحسن من البني آدم
وآدم علق علقة مسخمة مع حوا
وحوا ما بتعرف غير كلمة باريد
واريد ألعن أبو هالحال
بطلت اشتري..!!