اذا كلمن عطش000!

اذا كلمن عطش كال انه الحسين
اليجيب الماي يعني يصير عباس

هذا البيت سمعته ممن يعشقون الشعر الحسيني ولا اعرف من كاتبه فاثار في ّالشعر واحببت ان اجاريه بهذه الابيات:

واذا كـلمـن تـعــمـم كــال آيـــات
يضيع عليك ياهـو الذيل والراس
واذا كلمن حكم كال انــه هارون
اكـيد البالسـجن كـاظــم وينـبـاس
واذا كلمن عشك كال انه مجنون
فلا تلكه عـقـل ومسـودنه الـناس
واذا انت بعـقـل وايمـان حـبيـت
يجيك اشـلون كـلي بليل وسـواس
واذا كلمن صعد ما نزل لـلكــاع
فلا يـبقـه نجــم والكـمـر يـنـداس
واذا شاهت عيونك فوك ارجوك
ددنـك شـوف عـرج الكاع دساس
صحيح الكال مـنك بـيـك يـاذيـك
غفيت اشـلـون حـدرك ذيـل نـداس
اذا كلمـن حـكم يتفرعـن عـلـيك
يصير المـوت لعـبة حاس يا باس
اذا احـنه سـكتنه تضـيع بـغــداد
تلوذ هناك سكته بحضـن تكسـاس
ولا تسال تكلي اشلون واشلون
لان مـات الشريـف وبـقه العـلاس
مو كافي شبعنه سيوف ورماح
اهي زور الـركاب وشـايل الـفاس
تـزبـر بالـركـاب وتقـلع عـيـون
وتوشـل بالدمـه من طـاس للطاس
تشوف العين كلي اشلون وتـنام
اذا بالعـيـن ماكـو رموش حـراس
واذا غـرك تساوي اضيع الزين
معـالـم بالـطـبيعـه تـريـد مـقـياس
واذا انـت بنيــت تـاكـد وشـوف
اخاف هناك عثه ازرعوا بالساس
غيـرك لا تـظـن واحـد يصـفـيه
اذا مــأيـك خـبـط بالـبـيـر ونـحاس
يضل عود البخور يعـطرالكون
ويضل الياس انت تصيحله الياس
ويضل حسين هو حسينه وحيد
ولا بالـناس مـثلـه يــوحّـد الـنـاس
فـرق بـيـن الــيـكـل لعـداه لا لا
ومـــا بـيـن الـيـدنـك كــال لا بـاس

السلام عليكم
احسنت اخي السيد كريم الغالبي على هذة الكلمات الرائعه بارك الله فيك

[b]
الاخ العزيز الغالبي
السلام عليكم
يشهد الله مع كل احترامي للشعراءوالكاتبين هنا
ما هزتني قصيدة ...ولم اجد قصيدة استوفت كل الامكانات الشعرية الا قصيدتك ...ولا ابالغ اذا ما قلت انت استاذ في فنه .
اما بخصوص هذا البيت فانا نوهت في موضوعي قصيدة وشاعر الى ان الشاعر الكبير عبد الكريم الكعبي من كربلاء قد استخدم هذا البيت في قصيدته الكبيرة ((فزع المجانين))
حيث يورد هذا البيت
اذا كلمن عطش كال آنه الحسين
اذا كلمن يجيب الماي عباس
لكن رغم كل شيء لقد اجدت المجارات يا سيدي وفقك الله