(الحيـــوان) في الفولكلــــور العراقـــي..

[align=justify]ورد الحيوان في “الفولكلور” العراقي بـ الامثال، والكنى، والالقاب، والالعاب واهازيج الاطفال والادوية والتعاويذ، والمعتقدات، والاساطير، والمأكولات والاحلام، والاسماء والملابس، والحلي، واللوازم، والاثاث، والبروج، والحكايات والاغاني.. الخ.

المقال كتبها السيد عبد المهدي الفائق احد رجال الصحافة المخضرمين - في ايام مضت - والمقالة فولكلورية طريفة، تستحق الاطلاع والاثبات مجددا، نشرت في مجلة “بغداد” العدد التاسع عشر عام 1965 وكما اعدها السيد مهدي حمودي الانصاري.. لنقرأ ما جاء فيها:

في الامثال

- غراب يكله لغراب وجهك اسود

- ابن الغراب بعين امه غزال

- الصياد يتكله والعصفور يتفله

- تكيف البزون بعمة اهلها

- بزونة حسين الطعمة كصو ذيلها بعد ما لفت

- جلب “كلب” الملايات، بس يروح اويجي

- تموت الدجاجة وعينها علمزلة

- الزمال نفس الزمال بس جلاله مبدل

- الطول طول النخلة والعقل عقل الصخلة

- مثل هر المطبخ

- مثل ام البزازين كل ساعة بمكان

- البزون جارك واللحم جارك

- العكربة دواها اليمني

- مثل الكملة “القملة” يجوز اله ينفرك

- مثل السمج مأكول مذموم

- كلاني “قلاني” مثل السمج بـ الطاوة

- مثل العكربة يعض ويضم راسه

- حية ملسه “ملساء”

- كالوله لابو الجنيب، ليش تمشي عدل؟ كل كل من يمشي على اللي يصرفله

- منو يكدر يكول حلك السبع جايف

- زمال الطمة رايح جاي

- السمجة جايفة من راسها

- عداوة المطيرجية وية البزازين

- زلك الشادي أبيت المكادي

- الف عصفور ما تملي جدر “قدر”

- العصفور شنو اومركته “مرقته” شنو

- زعل العصفور على بيدر الدخن زاد طفار

- الذبانة مو نكسة لكن تخبث الخاطر

- تضرب بدجاجة ميتة

- ما يخله زور من واوي

- مكدر أكولن بغلتي ببر يجي

- يا عصفور البربن نكد

- الطاووس لو شاف رجله نروح نفشته

- كل الجمال تعارك اله جملنه بارك

- عداوة البزون والجريدي

- ليل ونهار تنغط مثل البومة

- كالوله للبغل منو ابوك؟ كال خالي الحصان

- البعير من يركع تكثر سجاجينه

- الجمل ما يعرف ربه الا بالزلك

- كالوله للبعير ليس ركبتك عوجه؟ كال ليش شنو بيه عدل؟

- عرس واويه

- مثل كورة الزنابير

- جلب “كلب” الحايج

- جريدي او جاور برجله مكنسه.[/align]