(الى امي وأمهاتكم)

[align=center][align=center]سلام عليكم
اهدي الى كل ام هذه الكلمات

ذبلت الشفه وحس عمري كبر
ونطفن يايمه كل نجمه وكمر


جنت اشوف الدنيه بعيونج امل
اوجنت احس الفرح من زغري بحر



وما عرفت البحر روجه اتروج وتفلش العمر
صارت ايامي ابغربتي اماطل انه وي الدهر



صرت اشيع كل فرح دمعه ابسهر
وصرت من دون البشر اجهر جهر
وشماته عليه تضحك يمه يايمه قهر



جنت اشم ذاك الحنان ولعب بحضنج ونام
او هسه يايمه الحنان صار وكته وبينه دار



والله محتاج ارد اشمج ونتي لفيني بكماط
كافي لفينه بخوتي ابكل جفن صارلنه ثار



كون اشك الكاع يمه وحجي وياج ابسلام
ولو سمعتي القصه يمه من القبر طفري شرار



يمه احس دموعي نشفت اوكمت ادمع بس خوات
يمه من كثر الاذيه اعليهن اتصب وتبات



يمه هاي اجروحي كبرت صارت ابكبر العراق
يمه من كثر الحزن خزن فــــــــراق



يمه احس روحي يتيمه وصارت الضحكه نفاق
يمه صاح الموت بينه وصرنه وياه اتفاق



يمه كل صدق او حقيقه انكلبت بهذا الزمان
او عاشو اهل الغدر يمه وحنه بلهم امتحان



يمه سوينه الصبر تلميذ عدنه ومات من اجل الحياة
او هسه يايمه اليعيش ابدون صبره احنه النجاة


يمه صار الصبح يطلع لابس اجماغ ولثام
لان كتلوهة شمسنه وكالو عليهة حرام



يمه وليل البسنه ولانزعنه بهل زمان
يمه متكدر علينه افصال فصلنه الحنان





القصيده طويله اترككم مع هذه الابيات
راجيا ان تقضون اجمل اوقاتكم مع الحقيقه

تحياتي
الحسيني[/align][/align]

عاشت ايدك اخي الحسيني
رجاء خاص ان تشارك بالقصيدة كاملة ولا تحرمنا من هذه القصائد المليئة بالابداع والمطرزة بالواقع المحزن الاليم

الاخت منازار تأمرين امر وأنا في خدمتكم وخدمة كل عراقي وعراقيه حملو هذه الاصاله ولخاصيه
تحياتي لك ان شاء الله سوف يأتي موعد نشرها كاملتان فقط الى مناسبه معينه تذهب العيون
تحياتي اختاه من القلب الى القلب

تسلم أخي الله يبارك فيك

ونحن بانتظار الجديد مما تخطه اناملكم