من فيكم يمشي سرعة وعطوه مخالفة ويبي يفتك منها ؟؟؟؟ أدخل وشوف

فى أحد الطرق السريعة ، واحد مسرع فوق اللزوم وقفه الشرطي على جنب نزل الشرطي ودار بينهم هالحديث

الشرطي : ممكن رخصة السواقة؟

السائق :آسف رخصتي ملغية لأنها منتهيه ولا جددتها

الشرطي : طيب أوراق ملكية السيارة؟

السائق : هذي مب سيارتي ، أنا صارقنها

الشرطي : تقول السيارة مسروقة ؟

السائق : أي نعم ، بس لحظة تذكرت ، أظن أني شفت أوراق ملكية السيارة في درج السيارة لما حطيت مسدسي فيه

الشرطي : معك في درج السيارة مسدس بعد ؟

السائق : هي نعم ، حطيته بعد ما قتلت به صاحب السيارة وحطيت جثته في صندوق السيارة

الشرطي : وفيه جثة معك في السيارة بعد ؟

السائق : أي نعم. ا

المسكين الشرطي سمع ها الكلام قام على طول صوب المسدس على السائق وقال له ولا حركة ، وكلم الضابط المناوب حقه وبلغه باللي سمع من السائق وبسرعة جت سيارات الشرطة وحاصروا السيارة ، جاء الضابط وقرب من عند السائق وقال أتأكد أول

الضابط : ممكن أشوف رخصةالسواقة ؟

السائق : أكيد ، تفضل ،وكانت الرخصة سليمة

الضابط : سيارة مين هذي ؟

السائق : سيارتي، وهذي أوراق ملكيتها

الضابط : لو سمحت تفتح الدرج بهدوء عشان أشوف إذا كان فيه مسدس ؟

السائق : بكل تأكيد ، بس ترى ما فيه مسدس ، حتى شوف ما فيه أي شي في الدرج

الضابط : طيب إذا سمحت تفتح صندوق السيارة أبلغوني أنك قلت أن فيه جثة

السائق : ما فيه مشكلة ، الصندوق أنفتح ، ما فيه أي جثة .؟؟

الضابط : شيء غريب ، الشرطي اللي وقفك قال أنك قلت له أن ما عندك رخصة وسرقت السيارة وعندك في الدرج مسدس وفيه جثة في صندوق السيارة

السائق : حسبي الله عليه .. الجذاااب ، أكيد قال لك بعد أني كنت مسرع ؟؟؟؟؟؟



:=