اقرأ هذه الومضات 00 نرجو الاجابة
الى امام الموحدين علي (ع):
انت كل عقلك ابو الحسنين طاح
آنه ما صدك ابد هذا الخبر
وآنه ماصدك ابن ملجم ابد
يعتنيه اشلون ماخاب وعثر
انتظر مني اسولفلك وكول
ولا توافقني اذا عقلي اشتمر
احنه عدنه الكاع فوكاها سمه
ولو مشه اعليها علي بي تفتخر
عذر ما عدها السمه وغارت عليه
من يحط جدمه على الكاع ويمر
تحالفن وبليل نجمات وسمه
واشتهن جيته ولا عدهن صبر
هنه يدرن زين ما يفرغ مكان
بكل زمان يدور اله طاري وذكر
حسدن الكاع واجنه ويالسحور
ورادن يسمعن صلاته ويالفجر
وعلي من يسجد يحط اعلى التراب
خدوده كلها ويسجد وياه الكمر
وكبل ما تطلع شمس طافن عليه
بكل نجوم الكون وي لمحة بصر
انتهزن الفرصه واجنه بكل حنين
حن عليهن عاف كل هاي البشر
----------------------------
الى ابي الفضل:
احنه ليش نكول عباس اعتذر
ومنهو منه بهاي صدك واقتنع
يكله خليني امجاني ما اروح
من ركضله حسين طافح بي سمع
ليش منكول الظهر منه انكسر
ويدري ما ينشال عافاه ورجع
--------------------------------
الى ابي الفضل:
احنه ليش انكول عباس اعتذر
كال خليني امجاني ما اروح
وبتصورنه استحه ما جاب ماي
وجوده ينبوع ارتوت من السفوح
ليش مو صادر قرار من الاله
الكمر مروه والصفا اكباله يلوح
--------------------------------
الى ابي الفضل:
احنه ليش انكول معزوم الكمر
ليش منكول الشمس بضيافته
سيرت بالليل وياها النجوم
وابد ما كدرت تشع بحضرته
ظلمه صارت هندس وما كو نهار
حتى يبقه البدر يزهي بطلعته
وآنه ما همني النهار يصير ليل
انه همي اعلى الكمر يا لهفته
وابد ما اهتم بعد بس العيون
تشوف نور يدور كمل دورته
ثاري من كام الكمر ماكو جفوف
طكت الغيره شعاع وحضنته
----------------------------------
KAREEM812@YAHOO.COM
كريم خلف جبر الغالبي
