الى متى يبقى الصمت ؟؟؟؟ اكتب لكم قصيدة الشاعر جواد الحمراني

كون البشر مثلكم من يفتهمهه ايحس
ماتبقه غيمة قلق گطره ابسمه اتوسوس
لاتمطر اعلى العطش لاتمشي واتغـــــــــلس
مابين عمر الحلو والموت المعبس
يريد هذا الشعب ويريد وإيس
يريد هذا الوطن من هالشعب قطعه
ويتوسل ابكل ابي من العار وك طلعه
لاهزهزاكم سجن لطلعت امفــــــــرعه
مو تبچي چنت الضلع الدين انكسر ضلعه
ويصيح بس النذل قابل على وضـــــــــعه
ايصيح هذا الوطن والميت ايســـــــــــــمعه
وايصيح هذا الوطن واتجــــــــــاوب الجمعه
وتفتح مدارس شرف وبدمــــــــــكم ادرس
ولهذا اني اقسمت وبدمكم اليخــــــــــــــرس
صدري وعراقي وفحل واحچيهه ما بس بس
خط احمر اللندني وخط احمر المــــــــــــجلس
وگلتوهه ياهو الذي شعره ابشرفنه ايمس
ولو حكمينه الشرف ولو وزرينه الحس
اشفافك المحكمه وانعــــــــــــــــــــالك الريس
ــــــــــــــــــــــــــــــــــــــــــــــــــ ــــــــــــــــــــــــ
ولتگلي اتسيست والمرحله اتريدك
وينفخ عليه الجمر وايعيش تبريدك
شيريد مني الوطن من ايدك الايدك

بس لاتگلي المشوا بجنازة ابريمر
ورگصوا على جثتي من غنوا الميمر
صح من سواد الجمس يطلعلك الگيمر

بس لا تحطني جسر وتنسه الدمع والهم
الكعبي بعده عدل ومامات ابن درعم
دم الوگع عالسرف باچر اريده ابدم

وك مو انه الستهترت ابدم ولد خطي
ولاني رفاق الامس حطيتهم ببطي
ولاني ابصراخ الوطن اتماهل وابطي
ولانه اعلى اسرى الحرب چنت اشتغل شرطي
ولا ذيلتني العرب ولا ذيلوني العجم
وماطرطرتني الدول وما ساجد انه الصنم
وك انه ابن الصدر غصبا عليهم علم
انطيت روحي ومتت ولو احيا هم انطي
انطيت يا هالغجر واحدكم اشمنطي
من يوم شفنه الشمس بينه الغدر يعلس
خط احمر اللندني وخط احمر المجلس
ــــــــــــــــــــــــــــــــــــــــــــــــــ ــــــــــــــــــــــــــ
باچر احط محكمه لو عالحكم ناوي
واشعلهه ما تنطفي الشعلان علاوي
وحط لي القنصني امس بعمامة الواوي
وحط لي الخذل حيدرة وبحجة ايداوي
وحط لي اليگنگن امس وانه ابوضع خاوي
وهم حط لي الجسسوا اي داوي ابن داوي

لتحطني ماشة جمر والله انته تتوزر
اتوزر واذا اتوزرت هم تنگلب للشر
وانه اعلى نفس الوضع من البرد للحر
تتنفس ابذلتك واتنفس ابريتي
بسطالي تعرف منو والفقره بيريتي
علمني گلب الصدر ما تنگلب نيتي
وعگالي بيت الصدر والجمعه خاچيتي
لا مو على جثتي يل رايد اتاسس
سلم على اللندني وسلم لي عالمجلس
ــــــــــــــــــــــــــــــــــــــــــــــــــ ـــــــــــــــــــــــــــ
خط احمر اللندني واشرح لك اسبابه
الوقع على ابن الصدر ماينسي احسابه
لليوم بذني تصك سرفة الدبابه
ولا تنسه يوم النجف وشداست اترابه
ولو تنسه گبت علي يا بويه يا يابه
تحت البنادق بطل لليوم من جابه
وك يا لندني وياحزب ويامجلس الغابه
التمت علينه الكفر والعجم واحزابه
باچر تلاگي الصدر ودموعه واعتابه
لتصير مثلي وكح بس ياخي لتهابه
ولتگول صدري ورحت تتصكع ابابه
ــــــــــــــــــــــــــــــــــــــــــــــــــ ـــــــــــــــــــــــ
غصبا عليهم اجو واتراصفوا بالباب
يم سيد المساله الچانوا عليهه انياب
راس الشليله اجه وابني اخت چذاب
وريس حكومة لگو والقوط والنواب
ونائب رئيس الغنم المدري من من تاب
التاب من الورق ومن الذهب ماتب
وعمامه حيه اجت وعمامه بيه اغراب
كلمن اجه ابمصلحه وكلمن اجه بحساب
طبت عليه اشكثر اعداء اله واصحاب
الا الفقير الذي محد دره بيه طاب
بس هوه بيهم دره باب الله فاتح باب
كلهه تجيك وما اجه هالشيخ المفلّس
بيه ريحة اللندني وبيه ريحت المجلس
ولو حكمينه الشرف ولو وزرينه الحس
اشفافك المحكمه وانعالك الريس

وشكرا
صرخة الحق ...................................... قصيدة الشاعر جواد الحمراني