المسرحيه***

من نزيف الجرح الذي لايهدأ ومن حنايا الوجع المستمر

من ابواب الذكريات التي لاتغلق منذ اكثر من عشر سنوات

من الدموع التي رسمت في خدي نهرا من الوفاء

اذن اليك مني **********************

** المسرحيه***

يكفيني فخر فرزنت الوجوه ** اوشفت ياهو ال الي وياهو العليه

شفت كلشي ابحياتي اشكال والوان** وحملت اهموم واهات او اذيه

لگيت گلوب ما مسها الزعل يوم** ولگيت عقول متحجره اوغبيه

غشّاني الوكت بشعيط ومعيط** وانه ادري الاصابع مو سويه

تيهت الرسن والدنيه مركاض** وكت خوف اوشظيه اتطگ شظيه

افوجن بالصبر وتناوش الراگ **واچلّب بالصخر بثنين اديه

اصدّك وامسح ادموع التماسيح** ورد اضحك چذب والبيه بيه

العمر جام اوزماني ايشامر احجار** وحياتك موش كسرت مزهريه

من كظّك سموم الصيف بچّاك** منو غيري وگف وانطاك فيه

گتلك لاتحط بالغربه رجليك** نزيزه الگاع وجدامك رخيه

گتلي العوز يكتل يشده البال** مايعرف فقير اولاخطيه

جاسمتك خبزتي اوگلبي مرتاح** و احن لمسامرك صبح اومسيه

تبللني ابنفط والدنيه شخاط** اعله جدحت عود تلگفني المنيه

اذا يوسف اخوته ابّير ذبّوه** انت انكرت كل معنى الخويه

حسّبتك تجازي الطيب بالطيب** وتگطّر مستحه اوغيره اوحميه

لاگصّتك عرگت وكت العتاب** ولاراويتني انجوم الثريه

اشلون اتريد اجر الحبل مرتين** وانه ال لادغتني بچفّي حيه

عركتنه انكظت والطايح ايگوم** وخل انشوف من بينه الضحيه

احط ترچيه بذنك گبل الوداع ** وگبل لاتمشي اوصيك ابوصيه

لاتاخذ حچي اليحچون وجهين** حچي الودّوه الك جابوه اليه

موش انه التحطني ابين نابين**ولانه الگبّعت روحي ابرديه

عمرنه انكتب سينارست واحداث**ومشاهد من قصصنا الواقعيه

انه انطاني المخرج دور جلاد** و الد اعدائي متهوم ابقضيه

اذن من حقي امثل واقع الحال** واكمل كل فصول المسرحيه

////////////// ///////////// ///////////

اخوكم **حسين الشميساوي

****************************************

ابو علي انا اول الموقعين على هذه الرائعه دمت صديقا غائبا حاظرا
اخوك المتابع لك ابو قائم

الله اخي العزيز سلمت يداك على هذة الكلمات الرائعه والابداع المتميز ودمتم سالمين

مــــــــع احترامي وتقديري

[color=#00FF33]
[size=4]الى الاخ الشاعر المبدع ***
كاظم ال جابر** اخي وصديقي الحبيب***

اشكرك على مرورك في صفحاتي التي طرزتها بصد ق مشاعر النبيله

وكلماتك التي تاحذني اليك تلا مس قلبك الذي ينبض بالحب والوفاء

ايها الشاعر المبدع تحياتي اليك اين ماتكون **

حسين الشميساوي****[/size][/color]

نجمة الاحزان *** رغم بعد المسافه التي بيننا لاكن ضيائك يصل من اخر السماء

الى اخر جذور الارض التي تكتض بلكلمات والمشاعر الطيبه


مرورك على صفحاتي عطر ا من ماء الصدق ***

حسين الشميساوي***